KL

DK

Nunatsinni inatsisilerituut pingaarutilimmik akuersissutigineqartut

Ilisimatusarfimmi inatsisilerinermik kandidatinngornikut, qallunaat inatsisilerituut assigalugit, eqqartuussiveqarnermi tamani atorfinnut qinnuteqarsinnaalerput.

Ilisimatusarfik
Ilisimatusarfimmi inatsisilerituunngorniarsinnaaneq 2018-imi atulerpoq.
Morten Okkels Morten Okkels Tusagassiortoq
Saqqummersinneqarpoq

- Nunatsinni inatsisilerituunut oqaluttuarisaanermi pingaarutilimmik nutaarsiassaq, Ilisimatusarfik Inatsisinik atuutsitsinermut ministereqarfiata allagaqareernerata kingorna qujasaavoq. 

Ministereqarfiup Ilisimatusarfimmi inatsisilerinermi kandidatinngorneq Danmarkimi aamma Savalimmiuni ilisimatusarfinnut nallersuunneqassasoq aalajangeqqammepaa.

Taamaalilluni Kalaallit Nunaanni Danmarkimilu eqqartuussisunngortoqarsinnaanngorpoq, eqqartuussissuserisunngortoqarsinnaallunilu unnerluussisunngortoqarsinnaalerpoq.

- Naligiissitsinermut aamma inatsisitigut isumannaatsuunermut atatillugu angusaq tamanna annertuvoq, nunatsinnilu inatsisilerinermik ilinniarfimmut alloriarneq tamanna annertuvoq, immikkoortortaqarfimmi pisortaagallartoq Anette Storgaard oqarpoq.

Ukiorpassuarni qanimut oqaloqatigiittareernerit kingorna, tamatumani Ilisimatusarfiup Inatsisilerinermut Immikkoortortaa nunatsinni inatsisilerinermik ilinniakkap imarisaanik pitsaassusaanillu uppernarsaasareerluni, qallunaat inatsisinik atuutsitsinermut ministereqarfiata akuersinera pivoq.

inuussutissarsiornermut justitsministeriet ilisimatusarfik inuiaqatigiit inatsisit

Atorfiit tamaasa takukkit

– Se alle jobs

Powered by Labrador CMS