Nunatta Futsalimi nunanut allanut unammisartui Brasiliami unammisaqattaarnissanut qaffasissunut peqataasussanngortut
Futsalimi nunanut allanut unammisartut nunat tamalaat Futsal Cup-imi marsimi unammisaqattaarnerinut peqataassapput. Tamanna Nunatsinni futsalertartunut alloriarnerujussuusoq, arsaattartut kattuffiannit oqaatigineqarpoq.
Kalaallit futsalimi nunanut allanut unammisartut Brasiliamut unamminissartik qilanaaraat, aammali Iran aamma Afghanistan holditut pitsaalluinnartuusut oqaatigineqarluni.
Futsal Week
Brasiliami
Futsal Cup-imi nunat tamalaat akornanni marsip pingajuannit qulingannut
unammisaqattaarnissanut Nunarput qaaqqusaavoq.
Unammisaqattaarnerni
futsalertartut nunarsuarmi kakkannerpaat ilaat katersuutsinneqassapput.
Taamaattumik arsaattartut kattuffianni peqataasussanngorneq soorunami
tulluusimaarutigineqaqaaq.
– Tamanna
futsalimik ineriartortitsinitta akuerineqarneratut isigisariaqarpoq. Nunallu
tamalaat unammisaqattaarneranni imminut unammillernissarput qilanaaraarput.
Arsaattartunut Nunatsinnilu arsaattartut ataatsimoornerannut tamanna
pingaaruteqarluinnarpoq, siulittaasoq Kenneth Kleist oqarpoq.
Kattuffiup
nunani tamalaani Futsal Cupimut peqataaneq nunani tamalaani arsaattartut
kattuffissuannut ilaasortanngornissamut qiimmassaataasumik alloriarnertut aamma
isigaa.
Unammisaqattaarnernut
aaqqissuisuusoq Brasilia nunarsuarmi pissartaavoq.
– Brasiliap
nunarsuarmi pissartanngorniuttarnerni arfinileriarluni pissartaasarsimasup
unamminissaa, unammisarfimminni angerlarsimaffianni pisinnaasatsinnik
misiliiffiginissaa, arsaattartunut asseqanngitsumik misigisaassaaq, KAK-milu
suleqataasunut pissalluni pingaaruteqarluinnartoq, nunanut allanut unammisartut
sungiusaasuannut ikiorti Bo Holden oqarpoq.
