KL

DK

Nutaarsiassaq nuannersoq: Ajornartoortoqartillugu sarfalersuivik ikippoq

Nukissiorfiit generatorit Nordhavnimiittut ikillugit iluatsippaat, ilimagaallu akunnialuit qangiuppata innaallagissamik pilersuisoqalissasoq.

Thomas Munk Veirum
Journalist
Tôrtia Reimer-Johansen
Journalist
Offentliggjort

Nutartigaq: 

Nukissiorfiit nalunaarput Nuuk generatorininngaanniit massakkut pilersorneqartoq. Taamaattumillu innuttaasut piumaffigaat innaallagissamut atuivallaarnaveersaassasut. Maskiinat innaallagissamik annertuumik pisariaqartitsisut, soorlu errorsissutit, erruissutit, iffiorfiit imaluunniit uunnaaviit atupilunnginnissaat innersuussutigaat. Juullilli ulloriaa qaminngikkaluarlugu ajunngitsoq, Nukissiorfiit allapput.

Nukissiorfiit nuummi innaallagissamik pilersuinermut nuannersumik nutaarsiassiipput. 

-  Nordhavnimiittoq generatorit ikillugit iluatsinneqarpoq. Ilimagaarpullu akunnialuit qangiuppata pilersuisoqalissasoq, Nukissiorfiit Facebookiminni allappoq.

Nukissiorfit nassuiaavoq erngup nukissiorfiani ajutoortoqarsimasoq, taamaattumillu ajornartorsiut nassaarivinneqarsimanngitsoq:

- Ullaaq erngup nukissiorfiani Kangerluarsussuarmiittumi ajutoortoqarpoq. Sulili ajutorsiut nassaarivinneqanngilaq. Taamaammat backup-generatorit atorlugit pilersuilernissaq sulissutigineqarluni.

-  Issinnerali peqqutaalluni ikinniarneri unamminartortaqarsimapput. Massakkullu iluatsissimalerlutik, generatorillu ikinneqarput. Akunnialuit qaangiuppata illoqarfip pilersorneqalernissaa sulissutigaarput.

samfund strømforsyning buksefjorden inuiaqatigiit nukissiorfiit nuuk nødgeneratorer

ATORFIIT Se alle jobs

Powered by Labrador CMS