KL

DK

INNAALLAGIAARUNNEQ

Nuuk aniguivoq

Naak pisoq ajoraluaqisoq, pissutsit ajornerusinnaapput. Tamanna 2021-mi innaallagiaaruttoqarnerani erserpoq.

2021-mi sapaatip-akunnera ataasingajak ingerlareermat aatsaat innaallagiaq nalinginnaasumik ingerlaqqilerpoq.
Jesper Hansen freelance tusagassiortoq
Saqqummersinneqarpoq

Innaallagiaaruttoqartillugu sulerisoqartarpa? 2021-mi novembarimi Nuummi innaallagiaaruttoqarnerani ernisussiortup Aininaq Willesenip Peqqinnissaqarfimmeersup tamanna akissutissarsilluarsimavaa.

- Nuummi ernisussat januaarimi nalunaarsorneqartartut nalinginnaasumik 20-nit 25-nut amerlassuseqartarput, ukioq maannali 35-nit 40-nut amerlassuseqarput, taamaammat illoqarfiup qaminnganerani sammisaqartoqarsimassasoq oqaatigisinnaavara, ernisussiortoq Aininaq Willesen 2022-mi marsip 25-ani Sermitsiamut oqarpoq (Sermitsiaq 2022/12).

Innaallagiaaruttoqartillugu sulerisoqartarpa? 2021-mi novembarimi Nuummi innaallagiaaruttoqarnerani ernisussiortup Aininaq Willesenip Peqqinnissaqarfimmeersup tamanna akissutissarsilluarsimavaa.

- Nuummi ernisussat januaarimi nalunaarsorneqartartut nalinginnaasumik 20-nit 25-nut amerlassuseqartarput, ukioq maannali 35-nit 40-nut amerlassuseqarput, taamaammat illoqarfiup qaminnganerani sammisaqartoqarsimassasoq oqaatigisinnaavara, ernisussiortoq Aininaq Willesen 2022-mi marsip 25-ani Sermitsiamut oqarpoq (Sermitsiaq 2022/12).

Arfininngormat ullaap tungaani Nuummi innaallagiaarummat inuppassuit 2021-mi novembarimi innaallagiaaruttoqarneratut pisoqaqqinnissaa annilaanngatigaat. Qujanartumilli taama ajortiginngilaq.

Innaallagianeqqissajunnarsivoq

2021-mi ataasinngornermi novembarip 22-ani nal. 23 Nuummi Politiit pigaartuisa ulloq unnuarlu nalunaarusiaminni innaallagiaaruttoqarsimanera nalunaarutigaat. Unnukkut kingusippoq – inuillu amerlanerit sinilereermata, qaangiusseeqqaarneqarpoq. Akunnerimmi marluk kingorna innaallagianeqqereertarpoq.

Innaallagianeqqinngilarli. Marlunngornermi ullaakkut nalunaaqutaq 8.15 internetti mobilillu attavii attaveerummata ajunaarnersuaqartillugu kalerrisaarut aallartinneqarpoq – Politimesterillu Upalungaarsimasuisa aamma Kalaallit Nunaanni Upalungaarsimasuisa sulisui aggersarneqarput. Politiit biiliannik sulisut aanerisigut tamanna pivoq — oqarasuaatimmi atorsinnaanngimmata.

Nukissiorfiit aamma aalajangerput ajornartoornermi nukissiorfiit aallartinniarlugit, aallartinnissaalli akunnernik arfinilinnik sivisussuseqarpoq – attavilerniarneqaraluaraangamillu attaveeruteqqittarput. Akunnerit ingerlanerini pissutsit ajorsiartuinnarput. Marlunngornerulli ingerlanerani illoqarfiup ilaani innaallagissamik pilersuisoqaqqilerpoq, innuttaasulli sipaarniaqqullugit kaammattorneqarput – dankortillu atorsinnaanngimmata aningaasanngukkanik atueqqullugit.

Taamaattumik sullitat aningaasanik tigusiumallutik Grønlandsbankenimukaapput. Tamannali aamma unammillernartoqarpoq, matummi innaallagiatortut atorsinnaanngimmata, taamaattumillu atuisut matukkut tunorlikkut isertinneqartariaqarput.

Sapaatip-akunnera qaangiummat aatsaat illoqarfimmi pissutsit nalinginnaasumik ingerlaqqilerput.

Taamani nillissuseq qerilerfimmiippoq, taamaattumik ruujorit qerinissaat ilimanaateqarpianngilaq, kisianni containerit qerititsiviillu innaallagissamik pilersorneqarnissaat pingaaruteqarpoq. Issittumi Sakkutooqarfik generatorerpassuarnik ikiuussimavoq. Aamma illersornissaqarfiup qulimiguuliutaata tallimanngornermi, ajutoortoqarneranit ullut tallimat qaangiummata, Utoqqarmiut Kangerluarsunnguanni innaallagissamik pilersuinermi ajoqutaasoq nassaarisimavaa.

Naalakkersuisoq kamappoq

Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund (IA) ajutoornerup kingorna kamappoq, Nukissiorfiillu aqutsisui allaffimminut ataatsimiigiaqquai. Ataatsimiinnermi qanorpiaq oqartoqarnersoq naluarput, sapaatip-akunnerili marlussuit qaangiuttut ajornartoornermut pilersaarutit nutarterneqarsimasut aamma Utoqqarmiut Kangerluarsunnguanut attaveeruttoqaraluarpat Nuummi ajornartoornermi nukissiorfiit ingerlaannaq aallartinneqassasut, Nukissiorfiit nalunaarput.

”Siunissami innaallagiaarulluinnartoqarpat ajornartoornermi nukissiorfiit dieselgeneratorii pisariaqartitsisoqartillugu atortussat ingerlaannaq aallartinneqartariaqarput, erngup nukinganik nukissiorfimmut attavineqqinnissaq ilisimaneqanngikkaluarpalluunniit. Taamaalilluni erngup nukinganik nukissiorfimmut attavineqqissinnaannginneq paasinarsippat attaviup pilerseqqinnissaanut piffissaq sivikinnerussaaq”, Kalistat Lund oqarpoq.

Kingorna Nuummi innuttaasut akisuumik annerusumillu misilittagaqarnerulerput. Ullumikkut taamaattoqaqqinnissaanut amerlasuut piareersimapput. Ilaatigut generatorinut mikisunut aningaasaliisimapput. 2021-mi innaallagiaarummat Stark generatorinik 37-nik toqqortaqarsimavoq. Innaallagiaarunneranit minutsialuit qaangiummata nungussimapput.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

nukissiorfiit kalistat lund inuiaqatigiit generatorer strømafbrydelse samfund nuuk

ATORFIIT Se alle jobs

Powered by Labrador CMS