Nuummi biilinik malersuineq: Inuk ataaseq tigusarineqarpoq
Kalaallit Nunaanni Politiit sapaammi ullaassakkut nalunaarfigineqarput biili sangusaarluni illoqarfimmi ingerlaartoq. Politiit tamanna pillugu nalunaaqutaq 04.39 nalunaarfigineqarput. Nalunaarfigineqaramik politiit biilerluni imigassartortoqarsimanersoq paasiniarpaat. Politiilli takkukkamik aquttoq biilerluni qimaavoq, malersorneqartariaqalerlunilu.
Foto: Tôrtia Reimer-Johansen
Kalaallit Nunaanni Politiit paasissutissiipput biilertoq qimaanermini aqqusinermi angallannermi inatsit arlallit unioqqutissimagai, inuit arlallit inuunerannik ulorianartorsiortitsimmat.
Politiit taamaattumik takunnissimasunik ujaasipput, inuillu ulorianartorsiortutut misigisimasut politiinut saaffiginneqquneqarput, oqarasuaammut 70 14 48-mut.
Biilit ajoqusertut, inunnilli ajoqusertoqanngilaq
Biilit malersorneqarneranni politiit biilii biilillu malersorneqartut ajoquserput. Inunnilli ajoqusertoqanngitsoq, politiit paasissutissiipput.
Kalaallit Nunaanni Politiit Sermitsiamut nassuiaanerat naapertorlugu inuit pingasut biiliniipput, aquttuallu 18-it sinnerlugit ukioqarluni. Aquttoq politiinit tigusarineqarpoq, naatsorsuutigineqarlunilu eqqartuussivimmi inatsit tunngavigalugit nassuiaasinneqarumaartoq.
Politiit takunnissimasunik ujaasipput
Kalaallit Nunaanni Politiit takunnissimasunik ujaasipput, ingammik inuit ulorianartorsiortinneqarlutik misigisimasut politiinut saaffiginneqquneqarput, politiit pigaartuanni pisortaq, Aputsiaq Hansen paasissutissiivoq.
