Nuummi internetsi attaviluppoq
Tusassimi atuisut arlallit Nuummi sisamanngornermi ullaakkut internetimut attaveqarnerminni ajornartorsiuteqarput.
Nuummi atuisut ilarpassui internetimut attaveqarnerminni ajornartorsiuteqartut Tusass nalunaarpoq.
KHAN TARIQ
Nuummi innuttaasut arlallit sisamanngornermi ullaakkut internetimut attaveqarnertik ajornartorsiutigaat.
Tusassip ajutoornermut nalunaaruteqartarfiani ajornartorsiummut pissutaasoq paasiniarlugu sulisoqartoq allassimavoq.
- Maannakkorpiaq Nuummi internetimut atuisut arlallit internettimut attavinissinnaanngikkallarput. Teknikkilerisut maannakkut misissuipput ajornartorsiut paasiniarlugu, aammalu sapinngisamik piaarnerpaamillu aaqqiissummik nassaarnissaq sulissutigalugu., Tusass allappoq.
Pissutsit qanoq innerat pillugu tallimanngornermi ullaakkut qulingiluanut nalunaaruteqartoqaqqissaaq.
