Nuummi mittarfiup illorsuartaanut unioqqutitsilluni isertoqartoq
Inuup unioqqutitsilluni isernerata kingorna Nuummi mittarfiup illoqarsuartaani torersaasoqartoq, Greenland Airportsimit ilisimatitsipput.
Assi: Oscar Scott Carl
Pisoq ataasinngornermi pisimanera ilanngullugu allaaserisaq nutarterneqarpoq.
Nuummi mittarfiup illorsuanut inuk unioqqutitsilluni isersimasoq, Greenland Airportsip ingerlatsinermut paasissutissiissutinut nittartagaani atuarneqarsinnaavoq.
Pisoq iliuuseqarfigineqareersoq timmisartuutileqatigiiffik allappoq. Qangali tamanna pisimanersoq allaqqanani.
Inuk mittarfiup illorsuartaanut isersimavoq, taannali paasineqarmat isumannaallisaavimmi sulisuniit tiguneqapallalluni politiinut tunniunneqarpoq.
Pisup kingorna illorsuarmi piffissami sivikitsumi misissuisoqarlunilu angalasussat tamarmik isumannaallisaavikkoortinneqaqqittut, Greenland Airportsimit paasissutissiissutigineqarpoq.
- Greenland Airportsip isumannaallisaanikkut unioqqutitsisoqarnerani tassungalu aningaasartuutinut taarsiisoqassanersoq nalilersuivoq, suliffeqarfik nittartakkamini allappoq.
Illorsuarmut isertoqarnera ataasinngormat pisoq Greenland Airportsip Sermitsiamut paasissutissiissutigaa, allanillu tassunga tunngatillugu paasissutissaateqaratik.
