Nuummi nakuusertoqarlunilu aalakoorlunilu biilertoqartoq
Politiit Nuummi nakuusertut imigassartorsimasullutillu biilertut aamma Ilulissani tillinniat arfininngornerup unnuaani sapaatillu ullaavani tigusaraat.
Assi: Oscar Scott Carl
Naqqiut: Tillinniarneq allaaserineqartoq Ilulissani pisimasoq politiit nalunaarutigeqqaaraluarpaa. Qasigiannguaniusorli kingorna paasissutissiissutigaat.
Politiit tallimanngormat ulapaarnerminnut sanilliutissagaanni arfininngorneq eqqissisimanerusoq, politiit paasissutissiipput.
Suliassaqaalussimallutilli, pigaartut pisortaat oqarpoq. Ingammik Nuummi unnuakkut ullaaralaakkullu. Inuit marluk imigassartorsimallutik biilertut unitsinneqarput, aappaalu aamma biilernermut allagartaqarani.
Angut nakuuserfigineqarpoq, politiillu pinerluuteqartut pillugit paasissutissaateqarput.
Qasigiannguani Easy2go tillinniarfigineqarpoq, inuillu arlallit unnerluutigineqareerlutik.
Ilulissani inuup ataatsip tallimanngornermup arfininngornerullu akornanni kattunneqarnera politiit suli misissuiffigaat. Politiit takunnissimasinnaasunik pisorluunniit pillugu ilisimasalinnik suli ujaasipput.
