Nuummi orsussap kuunnera ulapputigineqartoq

Polar Oilimi timmisartunut orsussamik sisamanngornermi unnukkut aniasoartoqarpoq.

Politiit qatserisartullu timmisartunut ikummatissamik sisamanngornermi unnukkut kuuttoorujussuarneq ulapputigaat.
Saqqummersinneqarpoq

Kalaallit Nunaanni Politiit timmisartunut orsussap annertuumik kuunnera pillugu sisamanngornermi unnukkut nalunaaqutaq 21.59 nalunaarfigineqarput.

Politiit qatserisartullu amerlasuujullutik sumiiffimmukaasut, Nuummilu Polar Oilip eqqaani umiarsualiviup ungasinngisaaniittoq aamma assersorneqarsimasoq politiinit Carl Sværd oqarpoq.

Timmisartumut orsussaq pinngortitamut kuunnani qujanartumik uuliakoorfiusinnaasumut kuussimasoq, Carl Sværd oqarpoq.

Qatserisartut iliuuseqarnermikkut orsussakoorneq tamangajaat tankersuarmut uterteqqissimavaat.

Timmisartumut orsussaq 7.069 literi kuussimasoq naatsorsuutigineqarpoq. Teknikkikkut inuilluunniit kukkuneritigut kuuttoqarsimanersoq kinguneqartinneqartariaqarnersorlu politiit maanna misissuiffigaat.

Powered by Labrador CMS