Kalaallit Nunaanni eqqartuussivinni aalajangiinerit Eqqartuussiviit qullersaannut ingerlateqqinneqartarnerat qaqutigoortuuvoq, angutilli 37-nik ukiullip pinngitsaaliilluni arnerisimasutut qaammatini arfinilinni pineqaatissinneqarsimasunut inissiisarfimmiittussanngortinneqarneranut tunngatillugu taama pisoqarpoq.
Eqqartuussut kingulleq januaarip 30-ani 2025-mi pivoq. Atoqatigiinnissaq sioqqullugu akuerseqqaartussaanermik inatsit nutaaq tunngavigalugu Nunatta Eqqartuussisuuneqarfiani siullerpaamik pineqaatissiisoqarpoq. Angut arnamik ilisarisimasaminik Nuummi angerlarsimaffiani 2024-mi januaarimi pinngitsaaliisimasutut pineqaatissinneqarpoq.
Kalaallit Nunaanni eqqartuussivinni aalajangiinerit Eqqartuussiviit qullersaannut ingerlateqqinneqartarnerat qaqutigoortuuvoq, angutilli 37-nik ukiullip pinngitsaaliilluni arnerisimasutut qaammatini arfinilinni pineqaatissinneqarsimasunut inissiisarfimmiittussanngortinneqarneranut tunngatillugu taama pisoqarpoq.
Eqqartuussut kingulleq januaarip 30-ani 2025-mi pivoq. Atoqatigiinnissaq sioqqullugu akuerseqqaartussaanermik inatsit nutaaq tunngavigalugu Nunatta Eqqartuussisuuneqarfiani siullerpaamik pineqaatissiisoqarpoq. Angut arnamik ilisarisimasaminik Nuummi angerlarsimaffiani 2024-mi januaarimi pinngitsaaliisimasutut pineqaatissinneqarpoq.
Suliarli suli naammassinngilaq. Angut maanna 37-nik ukiulik Eqqartuussiviit qullersaannut suliassanngortitsinissamut qinnuteqarsimavoq akuerineqarlunilu, eqqartuussivinni suliassanngortitsinissamut akuersissuteqartartut taama ilisimatitsipput.
Eqqartuussivinni aalajangiisartut oqartussaapput arlaannaannulluunniit attuumassuteqanngitsut, taakkualu suliassat suut naalagaaffimmi eqqartuussiviit qullersaannut suliassanngortinneqassanersut aalajangiiffigisarpaat.
Tunngaviusut pissutaasinnaasut
Eqqartuussivimmut suliassanngortitsinissamut akuersissuteqartartut suliap tamatuma suliareqqinneqarsinnaaneranut akuersissuteqarnermut suna tunngaviunersoq paasissutissiissutiginngilaat. Angutilli 37-nik ukiullip illersuisuata suliassanngortitsinissamut akuersissummik qinnuteqaammini tunngavilersuutigisaasa ilaat eqqartuussivimmut suliassanngortitsinissamut akuersissuteqartartut isumaqatigisimassagaat qularnanngilaq.
– Suliaq Eqqartuussiviit qullersaanni suliarineqartussanngornera assigiinngitsunik patsisilimmik tulluartutut isigaara. Kalaallit Nunaanni akuersissuteqarnermut inatsit malillugu siullerpaamik eqqartuussisoqarpoq, takusinnaavarpullu Danmarkimi suliat assingusut pinngitsuutitsinermik nalilerneqartartut, illersuisoq Marie Louise Frederiksen Sermitsiamut oqarpoq.
- Nunatta Eqqartuussisuuneqarfiani aammma isumaqatigiinngittoqarpoq. Eqqartuusseqataasut ilaata sullitama pinngitsuutinnissaanik taasivoq, tamannalu aalajangiinerup allanngortinneqarnissaanut tunngavissaqqippoq, oqarpoq.
Angutip eqqartuunneqartup pinngitsuunnginninni aalajangiusimavaa, sakkukinnerusumillu pineqaatissiisoqarnissaa piumasaralugu. Eqqartuussiviit qullersaanni suliaq maanna suliarineqarpat sakkukinnerusumik pineqaatissiisoqarnissaa tunngaviusumik pissutissaqartoq Marie Louise Frederiksen aamma isumaqarpoq.
Atoqatigiinnissami akuersissuteqarnissamik inatsit Kalaallit Nunaanni 2023-mi juulip aallaqqaataani atuutilerpoq. Tamanna sioqqutilaarlugu Danmarkimi assingusumik inatsisiliortoqarpoq. Inatsit nutaaq naapertorlugu atoqatigiinnissaq sioqqullugu akuersisoqarnera erseqqissumik paasineqaqqaartussaavoq.
