Nuummi qimmit tuniluuttumik nappaateqarsinnaanerat pasitsaanneqarpoq

Ullut arlaqanngitsut ingerlanerini Nuummi qimmit arlallit napparsimalersimapput, qimmerlu ataaseq toqusimalluni. Qimmit eqqugaasut tamarmik aattalimmik timmissimapput.

AAMMA ATUARUK

Qimmeqatigiit napparsimanermik eqqugaapput, ilimagineqarpoq nerukkaatissaat pissutaasimassasut

Taamaattumik nappaammik tuniluuttoqarsinnaanera pillugu Uumasut Nakorsaqarnermut Inuussutissalerinermullu Oqartussaaffimmit mianersoqqusivoq.

Inuit qimmiutillit erseqqissaaffigineqarput qimmiutitik qimminut allanut, napparsimasutut ersiuteqarpata toqqaannanngitsumik toqqaannartumillu qanilliseqqunagit.

Aalisarnermut Piniarnermullu Naalakkersuisoqarfik tusagassiuutinut nalunaaruteqarpoq.

Qimmit nappaataat ilaatigut qimmit anaat meriaavilu aqqutigalugit qimminut allanut tuniluussinnaapput. Taamaattumik qimmit anaasa iginneqartarnissaat pingaaruteqarpoq.

Tassa qimmimik napparsimasuni, naarluttumik meriartartumilluunniit attuisimagaanni angerlarsimaffiup eqqiarneqarlunilu tunillannartuiaatilimmik salinneqarnera pingaaruteqarluni.

Qimmit napparsimasorigukku uumasut nakorsaat attaveqarfigiuk. Ornigunnak sianerlutit attaveqarit taamaalilluni isumannaannerpaamik misissuinissaq uumasut nakorsaanit nalilerneqarsinnaalissaaq.