KL

DK

Nuummi tillinniartoqaqattaartoq – pasinarsinnaasut nalunaarutigisaqqullugit politiit kajumissaarutigaat

Nuummi suliffeqarfimmi tillinniartoqarsimasoq politiinut pingasunngornerup unnuaani nalunaarutigineqarpoq. Suliffeqarfinnut tillinniarnerit biilinillu aallarussinerit politiinut qaammatini kingullerni nalunaarutigineqartartut politiit ilisimatitsipput.

Suliffeqarfimmut tillinniartoqarnera politiinut pingasunngornerup unnuaani nalunaarutigineqarpoq. Innuttaasut pasinarsinnaasunik naammattoorsigaangamik politiinut nalunaaruteqartassasut kaammattuutigineqarpoq.
KASSAALUK KRISTENSEN Digitalredaktøri
Saqqummersinneqarpoq

Nuummi Nuukullammi suliffeqarfimmut tillinniartoqarsimasoq politiinut pingasunngornerup unnuaani nalunaaqutaq 05.09 nalunaarutigineqarpoq.

- Sorpiaat tillinneqarsimanerannik allattorsimaffik suli pissarsiarinngilarput. Suliffeqarfiup tamanna uagutsinnut nalunaarutigissavaa. Kikkut tillinniarsimanersut suli pasisaqanngilagut. Suliaq misissuiffigaarput, paasiniagassatsinnillu paasissutissaateqarpugut, Kalaallit Nunaanni Politiini pigaartut pisortaat Jørgen Madsen Sermitsiamut oqarpoq.

Qaammatini kingullerni tillinniarnerit biilinillu aallarussinerit arlallit politiinut nalunaarutigineqartarsimasut aamma oqarpoq.

- Inuusuttuunerupput unnuami aneertut taamatut pinerluttuliortartut, Jørgen Madsen nassuiaavoq.

Innuttaasut pasinarsinnaasunik takusaqarunik politiinut nalunaarutiginnittaqqullugit taassuma kajumissaarpai. Politiit taamaalillutik pinerluttoqartinnagu nalunaarutit misissuiffigisinnaavaat.

inuiaqatigiit tillinniarneq politiit nuuk

Atorfiit tamaasa takukkit

– Se alle jobs

Powered by Labrador CMS