NUTARTERNEQARPOQ
Nuup qeqqani aqquserngit assersorneri maanna atorunnaarput
Nuup Politiivisa Nuup qeqqani aqquserngit sisamanngornermi ualikkut matugallarpaat gasimik aniasoqarnera pissutigalugu. Aqquserngit assersorneqartut innuttaasunit ataqqineqassasut politiit kaammattuipput.
Politiit sisamanngornermi ualikkut gasimik aniasoqarnera pissutigalugu aqqusinernik assersuipput.
Assi: Ane-Marie Petersen
Nuummi illoqarfiup qeqqani sumiiffik annertungaatsiartoq politiinit sisamanngornermi ualikkut assersorneqarpoq. Aqquserngit Imaneq aamma Kuussuaq matuneqarallarsimapput. Matuneqarallarnerannut pissutaavoq sumiiffimmi gassimik aniasoqarnera, politiit nalunaarput.
Nalunaaqutaq pingasunngorluinnalersoq aqquserngit assersorneqarsimaneri politiinit atorunnaarsinneqarput.
Gasimik aniasoqarsimasinnaaneranik misissuinermi politiit aamma qatserisartut sumiiffimmi suliaqarsimapput.
- Politiit innuttaasunut kaammattuipput aqquserngit assersorneqartut nalaanni najugaqarunik igalaat matoqqullugit. Assersuutit ataqqeqquneqarput, sulisut ataqqillugit mianersorlusilu ingerlaassaasi, politiit nalunaarput.
Kalaallit Nunaata Politiivini pigaartut pisortaat Aputsiaq Hansen ilisimatitsivoq illoqarfiup qiterpiaani Amisuni, Nota Benep illuutigisaani, maanna suliaqartoqartoq, paasiniaanerlu ingerlasoq.
Jern og Metalip ilinniarfiata nalaa aamma assersorneqarpoq, qatserisartullu maanna piareersimasutut inissisimaffigilerpaat.
Foto: Oscar Scott Carl
