Oqartussat: Illoqarfiit pingaarnersaanni innaallagissamik pilersuineq pilerseqqinneqarpoq
Innaallagiaq, imeq kiassarnerlu Nuummi tamarmi maanna atuutilerseqqinneqarput. Innaallagissamik atuivallaannginnissamik innersuussut atorunnaarsinneqarpoq.
Arfininngormat unnukkut Nuummi sumiiffiit ilarpassuini innaallagissamik pilersorneqaqqilerput, maannalu sumiiffiit kingulliit innaallagissamik pilersorneqaqqilereerlutik. Taamaanngippat innaallagissap aqqutaanik nakkutilliisumut sianertoqartariaqarpoq.
Arkivfoto: Leiff Josefsen
Nuummi,
Nuussuarmi Qinngorpumilu innaallagissamik, imermik kiassarnermik pilersuineq
tamarmi pilerseqqinneqartoq, Kalaallit Nunaanni Upalungaarsimanermut
Qullersaqarfik ilisimatitsisoq Nukissiorfiit nalunaarput.
Taamaattumik errorsiviit,
iffiorfiit atortorissaarutillu assingusut atunnginnissaannik inassuteqarneq
atorunnaarsinneqarpoq.
Nukissiorfiit Utoqqarmiut Kangerluarsunnguannut innaallagissiorfiup
aqqutaani ajoqutaasoq nassaariniarlugu iluarsaanniarlugulu suliaqarnerat
pissutigalugu, elværkimit sillimmataasumit generatorit suli innaallagissamik
pilersuigallassapput.
Innaallagissamut
tunngasunik suli ajornartorsiuteqartoqarpat, innaallagisserisumut oqarasuaat 541225-mut
sianertoqarsinnaavoq.
Nukissiorfiit
arfininngornermi ullaap tungaani innaallagiaaruttoqarneranut atatillugu
paasissutissanik amerlanerusunik saqqummiussinissaat naatsorsuutigineqarpoq.
Kalaallit Nunaanni
Upalungaarsimanermut Aqutsisoqarfiup oqartussat sinnerlugit Nuummi, Nuussuarmi
Qinngutsinnilu innuttaasut naammagittarnerat paasinnilluarnerallu pillugit
qutsavigai.
