Naleraq ukiumut 2023-mut naatsorsuutini 375.000 koruuninik
amigartoorpoq. Tamanna partiip ukiumoortumik nalunaarusiaata maanna tamanit
takuneqarsinnaalersup takutippaa.
Partiilli siuttua Pele Broberg naapertorlugu amigartoorneq
ernumassutissaanngilaq.
Naleraq ukiumut 2023-mut naatsorsuutini 375.000 koruuninik
amigartoorpoq. Tamanna partiip ukiumoortumik nalunaarusiaata maanna tamanit
takuneqarsinnaalersup takutippaa.
Partiilli siuttua Pele Broberg naapertorlugu amigartoorneq
ernumassutissaanngilaq.
- AG-p
partiit naatsorsuutaannik allaaserisaqariaasia paasinngilluinnarpara.
Allaannginnami suliffeqarfiit pineqartut. Sinneqartoortussaanngilagummi, Pele
Broberg juunimi 2022-mi partiimi siulittaasunngortoq oqarpoq.
Nassuiaavoq Naleqqamit anguniarneqartoq pisortanit tapiissutit partiimi
sumiiffinnilu tamat naalakkersueqataaneranni sulitinneqassasut.
- Nunatsinni sumi tamani nutaanik immikkoortortarpassuaqalersimavugut,
oqarpoq.
»Atorsinnaanngilaq«
2023-imi Naleraq 2,2 million koruuningajannik tapiissutisivoq. Ukiup
ingerlanerani taakkunannga aningaasarpassuit angalanermut atorneqarsimapput –
380.000 koruunit sinnerlugit. Tamatuma saniatigut unnuinernut allanullu
inuppassuarnik ataatsimiiititsinerit annertuut ingerlanneqarnerannut
tunngasunut aningaasartuutit.
- Ataatsimeersuarnerit
akisuupilussuusarput, nunatsinnit peqataasoqartarmat, Pele Broberg oqarpoq.
Allaffissornermut 440.000 koruunit missaat atorneqarsimapput 950.000 koruunillu
sulisunut aningaasartuutigineqarlutik. Tamatuma saniatigut 200.000 koruunit
sinnerlugit siunnersortinut atorneqarsimapput partiip sulineranut atatillugu.
2023-mi Naleraq amigartooruteqaraluarluni namminerisaminik
aningaasaatitigut patajaappoq 400.000 koruuniuteqarluni.
- Partiinut tapiisarnermut
aaqqissuussinerup ilusaa qanoq isumaqarfigaajuk?
- Atorsinnaanngilaq. Ullumikkut imaappoq partiit qinersisoqarnerpaat
aningaasanik amerlanerujussuarnik pissarsisarlutik sinneqartoorutinillu
annertuumik katersisinnaallutik, ingammik annertuumik angalanianngikkaangamik.
Aningaasanilli amerlasuunik pissarsineq iluaqutaanngilaq aningaasat aamma
sumiiffinni naalakkersuinikkut sulinermut atorneqanngippata, naak tamanna
isumaagaluartoq, Pele Broberg akivoq.
Itisiliilluni oqarpoq partiimi mikisumi suliassat partiimi angisuumisuut
amerlatigisartut.
- Tapeeriaaseq
aalajangersimasuusariaqarpoq partiit tamarmik assigiimmik pissarsillutik,
suliassammi taakkuupput, isumaqarpoq.
Siumut amigaataasoq
Siusinnerusukkut AG allaaserisaqarpoq Demokraatit 2023-mi 114.000
koruuninik amigartooruteqartut, nunatsinni partiit annersaat IA 1,2 millionit
koruuninik sinneqartoortoq. Taamaalillunilu ukiup nutaap ingerlangaatsiarnerani
qineqqusaarnissap aallartinnissaanut upalungaarsarsimalluni.
Siumup naatsorsuutini suli saqqummiussimanngilai, Atassulli
ukiumoortumik naatsorsuusiorsimavoq.
Takuneqarsinnaavoq Atassut 2023-mi 116.000 koruuninik
sinneqartooruteqartoq aningaasallu partiip aningaasaqarnikkut
patajaallisarneranut atorneqassallutik, taamaalilluni maannakkut nammineq
aningaasaatigut amigartoorutit taamaallaat 107.000 koruuniullutik.
Siusinnerusukkut Atassut annertuumik akiitsoqarsimavoq.
Atassut 2023-mi partiinut tapiissutinit 1,5 million koruuninik
pissarsivoq, 2.450 koruunit immikkoortortani ilaasortaneerlutik. Tamatuma
saniatigut partiimi qinikkat partiimut akileraarutinik taasanik 14.551
koruuninik akiliisimapput.
Atassutip aningaasat amerlanersaat sulisunut aningaasartuutinut
atorsimavai, 910.000 koruunit missaat. 288.000 koruunillu angalanernut
aningaasartuutinut. 76.600 koruunillu nutserinermut atorneqarsimapput.
