KL

DK

Pinerluuteqarsimasutut eqqartuussaanikut pineqaatissinneqarsimasunut inissiisarfimmiinngitsoortut

Kalaallit Nunaanni inuit aqqaneq-marluk nakuusersimasutut, pinngitsaaliisimasutut ikiaroornartulerisimasutullu eqqartuunneqarsimasut oqartussaat piffissaq eqqorlugu inissiisimannginerat pissutigalugu tamakkiisumik ilaannakuusumilluunniit pineqaatissinneqarsimasunut inissiisarfimmiissimanngillat. Inatsisinik atuutsitsinermut ministerip nalunaarutaa Folketingimi isornartorsiorneqarpoq.

Pinerluuteqarsimasut arlallit pineqaatissinneqarsimasunut inissiisarfimmiittussanngortinneqarnerat piffissaatillugu pinngimmat atuutinngitsoorsimapput.
Morten Okkels Tusagassiortoq
Saqqummersinneqarpoq

Kalaallit Nunaanni pinerluuteqarsimasutut eqqartuunneqarnikut arlallit pineqaatissinneqaraluarnermittut pillagaasimanngillat, Inatsisinik atortitsinermut ministeri Peter Hummelgaard (S) Folketingimut oqarpoq.

Kalaallit Nunaanni 2010-miit 2017-imut pineqaatissinneqarsimasunut inissiisarfimmiittussanngortinneqarsimasut pillaatisiaminnik tamakkiisumik pillarneqarsimanngillat. Taakkunannga sisamat ilaannakuusumik pillaatisiaminnik naammassinnissimapput.

Oqartussat kukkussuteqarnerannit tamanna pivoq. Pinerluuteqarsimasut eqqartuunneqarnerannit ukiut tallimat qaangiummara eqqartuussutit pisoqaavallaalersimammata.

Tusagassiorfik Frihedsbrevet inuit eqqartuunneqaraluarlutik pillaatisiaminnik naammassinnissimanngitsut pillugit assersuutinik nassaarpoq. Ilaatigut Ilulissani nakuusersimasutut aamma Upernavimmi kinguaassiuutitigut kannguttaatsuliorsimasutut eqqartuunneqarsimasut pineqarput.

Kalaallit Nunaanni Politiit aamma Pinerluttunik Isumaginnittoqarfik kukkunerit ajuusaarutigaat, folketingimilu ilaasortat arlallit suliap naammaginanngitsumik ingerlanneqarsimanera isornartorsiorpaat.

– Tamanna soorunami ajuusaarnarlunilu akuerineqarsinnaanngilaq. Ingammik pinerluttuliornerit inunnut navianartorsiortitsissutit pineqartillugit, soorlu pinngitsaaliinerit nakuusernerillu, sivisunerusumik pineqaatissinneqarsimasunut inissiisarfimmiittussassngortitsinerit kinguneqartartut ernumanarput, eqqugaasut amerlanerugamik. Taama pisoqarsinnaasussaanngilaq, Aaja Chemnitz (IA) Frihedsbrevetimut oqarpoq.

Liberal Alliancemi Alternativetimilu eqqartuussiveqarnermut tunngasunik oqaaseqartartut aamma isornartorsiuipput.

grønland samfund kriminalitet inuiaqatigiit kriminalforsorgen i grønland grønlands politi

ATORFIIT Se alle jobs

Powered by Labrador CMS