Ukiorpassuit eqqartorneqarlunilu
allaaserineqartarpoq.
Sakkortuumik pinerluuteqarsimasut ukiuni amerlanerusuni
pineqaatissinneqarsimasunut inissiisarfimmiittussanngortinneqartassasut
politikerit isumaqarput.
Ukiorpassuit eqqartorneqarlunilu
allaaserineqartarpoq.
Sakkortuumik pinerluuteqarsimasut ukiuni amerlanerusuni
pineqaatissinneqarsimasunut inissiisarfimmiittussanngortinneqartassasut
politikerit isumaqarput.
NALUNAARUTIGINEQARSIMASUT ASSIGIINNGITSORPARUJUSSUIT
Kalaallit Nunaanni
pinerluuteqarsimasut Naalagaaffeqatigiinni nunanut marlunnut sanilliullugit
amerlanerujussuusut Savalimmiuni politiit ukiumoortumik nalunaarusiaanni
saqqummiunneqaqqammertumi takuneqarsinnaavoq. Nakuusersimasut
nalunaarutigineqarsimasut amerlassusaat innuttaasut 1000-iugaangata qanoq
amerlatigisarnerat tassani sanillersuunneqarpoq. Savalimmiuni 1,8-voq,
Danmarkimi 2,9 Kalaallillu Nunaanni 19,0. Illunut tillinniarnerit
Naalagaaffeqatigiinni nunani pingasuusuni Danmarkimi amerlanerpaapput. Innuttaasut
1000-iugaangata Danmarkimi 5,2-miippoq, Kalaallit Nunaanni 4,9-usut
Savalimmiuni 0,5-iullutik.
Inatsisartut ukiaanerani
ataatsimiinneranni piviusunngorsinnaagunarpoq. Inatsisinut atortitsinermut
naalakkersuisup Naaja H. Nathanielsenip Kuno
Fenckerip §-37 atorlugu apeqqutaanut akissutaani atuarneqarsinnaavoq.
- Qallunaat naalakkersuisuinut
pineqaatissiisarnermut killiliussat ukiunut 16-inut qaffanneqarnissaa
sivisuumik Naalakkersuisut ilungersuutigisimavaat, massakkut piviusunngortussatut
isikkoqarpoq. Qallunaat naalakkersuisui
suleqatigalugit Naalakkersuisut kissaataat piviusunngortinniarlugit
iluatsittumik inatsisissatut siunnersuusiortoqarsimavoq. Ukiaanerani ataatsimiinnermi pineqaatissiisarnerit
ukiunit qulinit 16-inut amerlineqarnissaat pillugu aalajangiiffigisassatut
siunnersuummik Naalakkersuisut saqqummiussissasut, naalakkersuisoq allappoq.
Kingumut innuttaasutut
inooqataasinnaalersitseqqinnissaq aamma innuttaasut inatsisitigut
naapertuilluartoqarneranik misiginissaat pingaaruteqartorujussuusut taanna
akissummini allappoq.
- Eqqartuussiveqarfimmut
tatiginninneq attatiinnarneqassappat, inuiaqatigiit pinerluttuliornerit
suussusaannut assiigiinngitsunut iliuusereriikkanut kinguneqartitsisarnerisa
aamma eqqugaasut inuiaqatigiillu naapertuilluartoqarnerani paasinninnerisa
akornanni ataqatigittoqassaaq, oqarpoq ”pineqaatissiisarnerillu
uuttortarneqartarnerannut Naalakkersuisut tunngaviusumik annertuumik
tatiginnittut” ilanngullugu naqissuserlugu.
Isummannik
tusarusuttut
Pinerluttulerinermut inatsit
qanoq aaqqissuuteqqinneqarsinnaanersoq politikikkut innuttaasunillu
oqallisigineqarnissaa pilersaarutaavoq. Taamaattumik Naalakkersuisut
oqallinnissamik tunngavissaqarluarumallutik innuttaasut isumaannik
misissuititsinissamik suliakkiipput. Nalunaarusiaq taanna aamma ukiaru
saqqummiunneqassaaq.
Tamatuma saniatigut inuit
pinerlunnermut isiginnittaasiat eqqartuussutillu pillugit Kalaallit Nunaanni
Ilisimatusarfik apeqqutinik immersugassanik nassiussuivoq, apeqqutit arlallit
kinaassutsimik isertuussilluni akineqarsinnaallutik. Inassutigineqarlunilu
inuit Kalaallit Nunaata avataaniittut aamma "inuiaqatigiinni aqutsinermik
politikkimulluunniit attuumassutilimmik suliffillit“ peqataassanngitsut.
Misissuineq Namminersorlutik Oqartussanit akilerneqarpoq, inernerilu
pinerlunnermut politikkimut tunngatillugu siunissami aalajangiisoqassappat
ilanngunneqarsinnaasut, erseqqissarneqarpoq.
