Nunaqarfimmi Siorapaluup avannaani 2023-mi upernaakkut ilungersunartumik pisoqarpoq.
Piniartup Qalaseq Sadoranap ikinngunni annaanniarlugu uummarsarsimanngitsuuppagu piniartup inuunera annaanneqarsinnaasimanavianngikkaluarpoq.
Nunaqarfimmi Siorapaluup avannaani 2023-mi upernaakkut ilungersunartumik pisoqarpoq.
Piniartup Qalaseq Sadoranap ikinngunni annaanniarlugu uummarsarsimanngitsuuppagu piniartup inuunera annaanneqarsinnaasimanavianngikkaluarpoq.
Takornariaq Japanimiu ulluni arlalinni piniarlutik angalanerminni ilagitillugu Qalaseq Sadorana, 47-nik ukiulik, toqumik kinguneqarsinnaasumik pisoqartoq iterpoq.
- Ulluni qassini angalasimanerluta eqqaamanngilara. Angerlamulli aqqutaani arlaleriarluta unnuereerpugut, Qalaseq Sadorana Sermitsiamut oqaluttuarpoq.
KNAPK-p Qaanaami immikkoortortaqarfiani siulittaasup Qulutana Kvistip piniartoq oqaluttuartoq eqqaamaqqissaarpaa. Pisimasoq 2023-mi apriilimi pivoq, inuilaarsuaq suli issittoq, Qulutana Kvist oqaluttuarpoq:
- Ukiup taamaalinerani toqqip unnuakkut kiassarnissaa suli pisariaqartarpoq. Kiassaallu pissutigalugu kuliltimik annertuumik aniasoqarsimammat tamanna pissutigalugu piniartup aappaata kuliltimik najuussuinini pissutigalugu toqusimavoq, Qulutana Kvist oqaluttuarpoq.
Nalunaaqutaq ataaseq uummarsaasoq
Qalaseq Sadoranap iridium atorlugu ikiortissarsioreernermini ikiuisussat qulimiguulimmik ikiuukkiartortut utaqqitillugit ikinngutini nalunaaquttap-akunnera ataaseq uummarsarsimallugu eqqaamavaa.
Qalaseq Sadorana nammineq pinngortitami, aasakkut piniariarluni.
Foto: Privatfoto
Qalaseq Sadorana sapiitsuliornini pillugu ataasinngornermi juunip aappaani KNAPK-p nersorinninnissamut aningaasaateqarfianit allagartamik nersornaammik tunineqarlunilu 15.000 koruuninik akissarsitinneqarpoq.
- Inoqaterpit, angalaqaterpit, piniartoqaterpit inuunera annaasutut isikkoqaraluartoq sivisuumik uummarsaanerit peqqutigalugu angalaqatinnguit Pituffimmut napparsimaviliaanneqarpoq helikopterimik. Tamannalu sioqqullugu uummarsaanerit pisuulluni toqugaluartoq uummarteqqinneqarpoq, KNAPK-mi siulittaasoq Nikkulaat Jeremiassen allappoq.
Angerlamukaarneq navianartorsiorfiusoq
Ikinngutini qulimiguulimmik Pituffiup napparsimmavianut timmisartuunneqarmat Qalaseq Sadorana suli tassaniippoq. Takornariarmi Japanimiu suli isumagisussaavaa, maannalu qamutit marluk qimmillu qimuttoqatigiit marluk akisussaaffigilerpai.
Qalaseq Sadoranap qimussit marluk kisimiilluni angerlaattussanngorpai.
- Taava angalanissinnut navianartorsiulerpusi, angalaqatammi qimutsui qimmillu puuguttaat isumannaatsumik Siorapalummukartikkutsigit.
- Tamanna pereersoq aatsaat navianartorsiornerit aallartippoq, tassami angalaqaterpit qamutai qimmiilu Siorapalummut oqqunniartariaqalerakkit. Tassani nalorninartut sorpassuit aqqusaarpatit, allaat qallunaaq alupaaq qimussip aappaani ilitsersorniarlugu, imminut inuuninnguit annaanniarlugu Avannaarsuaniit Siorapaluup tungaanut erloqisarlusi kujammukarpusi sermersuakkut, Nikkulaat Jeremiassen Qalaseq Sadoranamut nersualaarinnippoq.
