Pisiniarfik tillinniarfigineqartoq - inuit marluk tigusarineqarput
Sisamanngornerup unnuaani Sisimiuni Pisiffimmut tillinniartoqarsimavoq.
Sisimiuni Pisiffik tillinniarfigineqarsimavoq.
Tôrtia Reimer-Johansen
Sisimiuni Pisiffimmi tillinniartoqarsimasoq, Kalaallit Nunaanni Politiit nal. 02.30 missaani nalunaarfigineqarput.
Nalunaarut naapertorlugu inuit marluk tillinniarsimapput, sumiiffimmullu politiit ornigussimapput.
Politiit pisiniarfimmut apuukkamik inuit marluk qimaasut takusimagaat, pigaartut pisortaat Malik Olesen Sermitsiamut oqaluttuarpoq.
Inuit taakku marluk politiinit tigusarineqarsimapput.
Tigusarinniffiup eqqaanni imigassat aalakoornartullit tillitat siumorneqartut, pigaartut pisortaat oqaluttuarpoq.
Nukappiaqqat marluk 15-it 18-illu akornanni ukiullit tigusarineqarput, killisiorneqareerlutillu kingorna iperagaassapput, tillinniarsimasutullu unnerluutigineqarput.
