Danskit akornanni Kalaallit Nunaannik soqutiginninneq maanna
annertuvoq. Aalborgimi Kalaallit Illuutaata pisortartaava Jeppe
Bülow Sørensen pingasunngornermi apriilip qulingiluaani
kaffillerutigineqarmat tamanna takuneqarsinnaavoq.
Inersuaq
inunnik tikilluaqquserusuttunik ulikkaavissimavoq. Inuit Kalaallit
Illutaannut ullut tamaasa orniguttartut aamma peqatigiiffiit
jyllandillu avannaani inuussutissarsiutillit sinnerlugit najuuttut.
Jeppe
Bülow Sørensenip oqalugiarnermini Kalaallit Nunaannik
soqutiginninneq annertooq aamma sammivaa.
Danskit akornanni Kalaallit Nunaannik soqutiginninneq maanna
annertuvoq. Aalborgimi Kalaallit Illuutaata pisortartaava Jeppe
Bülow Sørensen pingasunngornermi apriilip qulingiluaani
kaffillerutigineqarmat tamanna takuneqarsinnaavoq.
Inersuaq
inunnik tikilluaqquserusuttunik ulikkaavissimavoq. Inuit Kalaallit
Illutaannut ullut tamaasa orniguttartut aamma peqatigiiffiit
jyllandillu avannaani inuussutissarsiutillit sinnerlugit najuuttut.
Jeppe
Bülow Sørensenip oqalugiarnermini Kalaallit Nunaannik
soqutiginninneq annertooq aamma sammivaa.
-
Soqutigineqarnera nuannaarutigissavarput – Kalaallit Nunaannik
soqutiginninneq pissutigalugu ullumi maannartusi paasivara,
uannuunngitsoq, pisortanngortoq tikilluaqquneqarnini pillugu
pikkuttunnguamik oqarpoq.
Ikaarsaarfik
-
Kalaallit Nunaanni maanilu illumi ikaarsaarfimmiippugut.
Eqqissiviilliorfiungaatsiarsimavoq, neriuppungalu piffissap
ingerlanerani pissutsit inissikkiartulerumaartut, taamaalillungalu
kalaallisut ilinniarsinnaalissallunga, Jeppe Bülow Sørensen,
meeraalluni ukiuni qulingiluani Ilulissani najugaqartoq, oqarpoq.
-
Qanorluunniit pisoqaraluarpat maani illumut tikilluaqqusaanera
qujassutigaara - suliallu aallartinnissaannut qilanaarlunga.
Isumaginninnermi
siunnersorti 49-nik ukiulik Jeppe Bülow Sørensen Danmarkimi
Peqatigiiffimmi Kalaallit Meerartaannut immikkoortortaqarfimmi
pisortatut 2016-imiilli sulisimavoq. Siusinnerusukkut Aalborg
Kommunemi sulisimavoq, tassanilu kalaallinut atugarliortunut immikkut
suliniuteqarnermut pisortaasimalluni.
Aalborgimi
Kalaallit Illuutaanni sivisuumik eqqissiviilliortoqareersoq
suleqatigiinnerlu ajornartorsiutigineqareersoq Jeppe Bülow Sørensen
pisortatut atorfinitsinneqarpoq. Eqqissiviilliorneq suliffeqarnermut
nakkutilliisoqarfimmit peqqussutinik kinguneqarpoq, tamatumalu
kingorna siulersuisut Anna Lynge siorna decembarip tallimaani
sisamanngornermi soraarsippaat. Anna Lynge 2023-mi januaarip
aallaqqaataaniilli pisortaasimavoq.
Jeppe
Bülow Sørensen ukioq manna marsip 15-ianni atorfinitsinneqarpoq.
