ISLAND
Polar Nanoq-mi inuttaq Islandimi tigusarineqarpoq
Islandimi tusagassiuutit RÚV aamma Morgunbladid naapertorlugit, Kalaallit kilisaataanni Polar Nanoq-mi inuttaq Islandimi politiinit arfininngornermi tigusarineqarpoq. Islandimi politiit RÚV-mut uppernarsarpaat misissuisoqartoq, kisianni annertunerusumik oqaaseqarusunngillat.
Kalaallit umiarsuaat Polar Nanoq siusinnerusukkut, 2017-imi Birna Brjánsdóttir-ip toqutaaneranut atatillugu Islandimi politiinit annertuumik misissuiffigineqarnikuuvoq.
Assiliisoq: RÚV - Viðar Hákon Söruson
Islandip illoqarfiisa pingaarnersaanni politiit arfininngornermi ullaakkut juunip aqqarngani Polar Nanoq-mi, umiarsuarmi qerititsiviusumi Kalaallit Nunaanneersumi, inuttaq tigusarineqarpoq kinguaassiutitigut kannguttaatsuliorfiginnissimasutut pasineqarluni.
Nutaarsiassaqartitsiviit paasissutissiinerat naapertorlugu, angutip arnaq arfininngornerup unnuaani umiarsuarmut ikitissimavaa tamatumalu kingorna kinguaassiutitigut kannguttaatsuliorfigalugu
Politiit annertunerusumik oqaaseqarusunngillat, kisianni uppernarsarpaat misissuisoqartoq. Tamanna ilaatigut RÚV aamma Morgunblaðið allaaserisaqarput.
Politiit oqaaseqarusunngillat, piumasaqaatigineqarmat, kisianni isiginnittuusimasut arlallit ilaapput politiit pasineqartoq tigusaralugu umiarsuarmit politiit biiliinut ingerlanneqarmat.
Grímur Grímsson, politiit qullersaqarfiani misissuisarnermi pisortaq, Islandimi illoqarfimmi, mbl.is-imut uppernarsarpaa politiit misissuinermik suliamik ingerlataqartut kinguaassiutitigut kannguttaatsuliornermut pasitsaassaqarneq tunngavigalugu. Taassumali oqaaseqarfigiumanngilaa suliaq pineqartoq, Polar Nanoq-mi inuttanut attuumassuteqarnersoq.
Tusarfiit arlallit ilisimatitsipput, misissuineq tunngavigalugu umiarsuarmi inuttat arlallit killisiorneqarnissaminnut aggersagaasimasut.
Polar Nanoq tusagassiuutini siusinnerusukkut 2017-mi allaaserineqarnikuuvoq, taamani umiarsuarmi inuttaq, Thomas Møller Olsen, Birna Brjánsdóttirip toquneranut atatillugu eqqartuussaanermini pisuutinneqarmat.
