Politiit angut 37-nik ukiulik periarfeerunneqartoq ujaaraat
Paamiuni politiit angut 37-nik ukiulik sapaatip-akunnerata siuliani sisamanngornermi kingullermik takuneqartoq ujaaraat.
Assi: Oscar Scott Carl
Kalaallit Nunaanni Politiit angut 37-nik ukiulik Paamiuni ujaaraat.
37-nik ukiulik Kuulu Nathansen sisamanngornermi oktobarip qulingiluaani kingullermik takuneqarsimasoq politiit paasissutissiipput.
- Kuulu Nathansenip oktobarip qulingiluaani sumiiffiginikuusaanik sumiiffigisinnaasaanulluunniit tunngasunik paasissutissaateqaruit politiit pigaartui oqarasuaammut 70 14 48-mut imaluunniit Paamiuni Politiit oqarasuaammut 70 12 23-mut attaveqarfigikkit, politiit inuit nittartakkatigut naapittarfiini allapput.
Naqqup ataa illuaqqallu misissukkit
Illuaqqat, quit naqqullu atai innuttaasunut alakkarteqqullugit politiit kaammattuutigaat.
Politiit Issittumi Sakkutooqarfik, Paamiuni qatserisartut suleqatigalugit ujaasipput.
- Politiit Issittumilu Sakkutooqarfik ujaasiffissaq pilersaarusiormassuk piumassutsimik ujaaseqataasimasut sumi ujaasisimanerlutik Paamiuni Politiinut nalunaaqqullugit piumaffigaagut.
