KL

DK

Politiit aqqusineq matugaat – angut tigusarineqartoq

Nuummi aqquserngit ilaat politiit suliaqarneranni sapaammi unnukkut ingerlavigeqqusaajunnaarpoq. Angut tigusarineqarpoq.

Grønlands Politi
Thomas Munk Veirum
Thomas Munk Veirum Tusagassiortoq
Saqqummersinneqarpoq

Nuup ilaani Nuussuarmi aqqusineq Paarnat sapaammi unnukkut matuneqarpoq.

Politiinut nalunaaqutaq 20.52 nalunaarutiginnittoqareersorlu aqqusineq matuneqarsimasoq politiit pigaartut naalagaat Poul Kreutzmann oqarpoq.

Pigaartut pisortaata susoqarpiarsimanersoq iluamik paasissutissiissutigerusunngilaa, nassuiarpaali pisoq avatangiisinut ulorianartuusinnaasoq politiit nalilermassuk isumannaallisaaneq eqqarsaatigalugu suliaqartoqartoq.

Ulorianarsinnaasoq iliuuseqarfiginiarlugu politiit immikkut piareersimasui ornigutinneqarsimasut Poul Kreutzmann nassuiaavoq.

Pisumi ajoqusertoqanngilaq angullu ataaseq pissanganartorsiorfiunngitsumik tigusarineqarpoq.

Angut politeeqarfimmi killisiorneqareerluni iperagaaqqittoq pigaartut pisortaat oqarpoq.

Unnukkut nal. qulip qeqqata missaani tamanna naammassineqarpoq.

inuiaqatigiit poul kreutzmann nuussuaq navianartorsiortitsisoq nuuk politiit iliuuseqarnerat

Atorfiit tamaasa takukkit

– Se alle jobs

Powered by Labrador CMS