Politiit biilit nummerpladiinik misissuisut
Biilillit akitsuutinut akiliisimanerlutik misissussagaat Politiit kaammattuutigaat. Akiliisimanngikkunil biilip nummerpladii politiinit arsaarinnissutigineqarsinnaammata.
Assi: Leiff Josefsen
Kalaallit Nunaanni Politiit Facebookikkut biililinnut pingasunngornermi kajumissaaripput.
Qamutinut motoorilinnut akileraarutit akilerneqarsimanngimamta akileraartarnermut aqutsisoqarfiup biilit amerlasuut nummerpladiinik piaaffigeqqullugit politiit qinnuigai:
- Iteruit biilivit nummerpladeqannginnissaat pinngitsoortikkusukkukku, qamutinut motoorilinnut akileraarutip akilernissaa eqqaamagiuk – ilumullu akilersimanerlugu misissulaariuk.
- Taamaalillutit nummerpladet tigummiinnassavatit uagullu orniguttariaqassanngilagut, politiinit allapput.
Qamutinut motoorilinnut akitsuut tassaavoq aqquserngit tamanut ammasut atorlugit angallannermut akitsuut, inuit suliffeqarfiillu biilinik piginnittut akiligassaat.
