Politiit nunanit allanit sianertut mianersoqqussutigaat

Nunanit allanit sianertut ilisarisimanngikkaanni akisaqqunagit Kalaallit Nunaanni Politiit innuttaasunut kajumissaarutigalugu tusagassiuutinut nalunaarutigaat.

- Normorpassuit nunanit allaneersut Kalaallit oqarasuaataannut sianertut arlallit nalaanneqarput, ilaallu sms-inik linkilinnik aamma tigusaqarput, politiit allapput, nangillutillu:

- Politiit nunanit allanit normumiit ilisarisimanngisamit sianertoqarpat akisaqqunagit innuttaasunut kajumissaarutigaat. Aamma nunanit allaneersunit normunit nalusanit sms-ikkut nassiunneqartut linkit toortaqqunagit.

Linki iserfigisimagukku nalullugulu isumannaallisaanermut tunngasunik unioqqutitsiffigineqarsimanerlutik politiinut saaffiginnissinnaavutit:

- Sianiinaarinianit peqquserluffigineqarsimagaanni qanoq iliornissamik najoqqutassiaq uani aamma atuarneqarsinnaavoq: https://www.sikkerdigital.dk/borger/naar-skaden-er-sket

Suliaq oqartussaasut attuumassuteqartut suleqatigalugit misissorneqartoq Politiit ilanngullugu paasissutissiissutigaat , maannakkullu oqaaseqaqqissinnaanngikkallarlutik.