Politiit pasinartumik toqusoqarsimanera suli paasiniaaffigigaat

Alluitsup Paani angutip utoqqaap toqungasup nassaarineqarnerata kingorna angut 30-t sinnerlugit ukiulik ulluni 28-ni tigummigallarneqarpoq

Alluitsup Paani pasinartumik toqusoqarsimanera Kalaallit Nunaanni Politiit suli paasiniaaffigaat.

Assi: Leiff Josefsen

Hanna Hviid Hanna Hviid Hanna Hviid Tusagassiortoq

Saqqummersinneqarpoq 30. Maaji 2025 - 16:58

Annonse

Kalaallit Nunaanni Politiit Alluitsup Paani toqusoqarsimaneranik sapaatip-akunnerani kingullermi marlunngornermi nalunaarfigineqarput.

Angut utoqqaq nunaqarfimmi illup eqqaani toqungasoq nassaarineqarpoq. Politiit toqusoqarsimanera pasinartutut paasiniaaffigalugu pingasunngornermi maajip 21-ani nalunaarput.

Angut 30-t sinnerlugit ukiulik tigusarineqarpoq, kingusinnerusukkullu inunnik navianartorsiortitsilluni pinerlussimasutut unnerluutigineqarluni ulluni 28-ni tigummigallarneqartussanngorpoq.

Kalaallit Nunaanni Politiit Sermitsiamut taama paasissutissiipput.

Eqqartuussivimmi sassartitsineq matoqqasumik ingerlanneqarpoq, politiillu suliami pisut suli paasiniaaffigigamikkit sukumiinerusumik oqaaseqarsinnaanngillat.