Politiit qatserisartullu quimut ikuallattumut ornigupput

Tallimanngornermi ullaakkut nalunaaqutaq 04.30 missaani politiit nalunaarfigineqarput Nuummi Nuukullammi ikuallattoqarsimasoq.

Pigaartut pisortaat Jaaku Andreassen oqaluttuarpoq qui ikuallattoq:

- Politiit qatserisartullu ornigussimapput, ikuallattorlu qaminneqareerpoq, pigaartut pisortaat oqarpoq.

Angut utoqqaq ikuallattoqartillugu ajoqusersimagunanngitsoq siumorpaat, ajoqusersimasulli nakorsiartarfianut misissortikkiartortinneqarpoq.

Pigaartut pisortaata maannakkut annertunerusumik oqaaseqarsinnaanngilaq, ikuallattorli qanoq aallartissimanersoq politiit misissuleruttorpaat.