Politiit tillinniartoqarnerani takunnissimasinnaasunik ujartuipput

Nuummi Nanoq Mediap illutaanut tillinniartoqarnerani kalerrisaarut aallartittoq politiit nalunaaqutaq 03.20 nalunaarfigineqartut Kalaallit Nunaanni Politiit pigaartuisa pisortaat Preben Kleist Sermitsiamut oqarpoq.

Tillinniat igalaaq aseroriarlugu isersimapput.

Tillinniat toqqorsivik Applemeersunik imalik aserorlugu ammariarlugu ilaatigut tillissimapput.

Preben Kleist naapertorlugu politiit sorpiaat tillinneqarsimanersut tallimanngornermi ullaakkut suli paasilluarsinnaanngilaat.

Politiit tillinniarnermut takunnissimasinnaasunik ujartuipput, inuillu Applemeersunik pisiniarunik pisinermut uppernarsaammik piumaqqaartarnissaat pigaartut pisortaata kajumissaarutigaat. Taamaalillutik tillitanik tuniniaqqitanik piseqqusaannginnermut inatsit unioqqutinnginniassammassuk.

Politiit oqarasuaammut uunga attavigineqarsinnaapput: 70 14 48.