Politiit umiatsiat ajoqutillit illersoraat: Ninngupput

Politiit angallataat sukkasuut Kalaallit Nunaanni pissutsinut naleqquppat?

Folketingimi ilaasortaq Aaja Chemnitz (IA) politiit angallataasa Iliup, Sisimiut eqqaani politiinik angallassisartup, ilaatigut sananeqaatimigut ajoquteqarnini pissutigalugu arlaleriarluni atorneqarsinnaajunnaarsimanera pillugu Danmarkimi inatsisinik atortitsinermut ministerimut taamatut apeqquteqarpoq.

Inatsisinik atortitsinermut ministerip apeqqut Kalaallit Nunaanni Politiinut ingerlateqqippaa, taakkunanngalu angallatit ’ninngusuutut’ nalilerneqartut akissutigineqarpoq:

- (...) angallatit sukkasuut Kalaallit Nunaanni pissutsinut naleqqulluartumik sananeqarsimasut politiit isumaqartut, Kalaallit Nunaanni Politiit allapput, aammali imatut oqaaseqarput:

ATUARUK AAMMA

Politip umiarsuaaraat Sisimiuni ajoquteqalerpoq

- Angallatit taamaattut sikumi angalasinnaanerat soorunami killeqarpoq, assersuutigalugu sikunik aserorterinermut assigisaannullu atorneqarsinnaanngillat. Tamanna angallatinut Kalaallit Nunaata imartaani angalasartunut taama angissusilinnut assingusumillu sanaanut tamanut aamma atuuppoq. 

Ajorteqattaartut

Angallatit ilaat piffissap ilaani angallatigineqarsinnaajunnaarlutik ajorteqattaarsimasut Politiit aamma ilisimatitsissutigaat:

- Angallat Ilik Sisimiuniittoq aamma angallallu Kimik Aasianniittoq matumani pineqarput.

- Matumani angallat Ilik, Sisimiuni inissisimasoq, kiisalu angallat Kimik, Aasianni inissisimasoq pineqarput.

Kalaallit Nunaanni Politiit sukkasuunik tallimanik angallateqarput, taakkunannga sisamat 49 fodsimik takissuseqartut Qaqortumi, Nuummi, Sisimiuni Aasiannilu inissisimapput, tallimaallu 29 fodsimik takissuseqartoq Tasiilami inissisimavoq.

Politiit angallataat suliassanut taakkununnga naammannersut oqartussaasut isumaqarnersut Aaja Chemnitzip aamma apeqqutigaa.

Angallatit amerlineqarnissaat nalilersortuarneqartuartoq Politiit akissuteqarput.