Eigil Lyberth, politeeq, Kalaallit Nunaata
Poliviini sulinermini ukiuni 25-nngortorsiorpoq. Politiit Facebookimi
quppernerminni taama nalunaaruteqarput.
- Eigil ukiuni 25-ni suleqatitsialaalluartuuvoq
uummatigissoq. Tamatsinnut annertuumik iluaqutaanikuuvoq, minnerunngitsumik
inuiaqatigiinnut nunarsuatsinni ikiorniakkatsinnut, Kalaallit Nunaanni Politiit
allapput.
Eigil Lyberth, politeeq, Kalaallit Nunaata
Poliviini sulinermini ukiuni 25-nngortorsiorpoq. Politiit Facebookimi
quppernerminni taama nalunaaruteqarput.
- Eigil ukiuni 25-ni suleqatitsialaalluartuuvoq
uummatigissoq. Tamatsinnut annertuumik iluaqutaanikuuvoq, minnerunngitsumik
inuiaqatigiinnut nunarsuatsinni ikiorniakkatsinnut, Kalaallit Nunaanni Politiit
allapput.
Eigilip suliani qaqutigoortoq pissutigalugu
inuit nittartakkatigut naapittarfiani qanga siammarterneqangaatsiarnikuusoq
politiit allapput.
- Maniitsumi politiit umiarsualivimmi puisi piaraq qimaannarneqarsimasoq
pillugu ukiut 13-it matuma siorna nalunaarfigineqarput. Eigililu, taamanikkut
Maniitsumi sulisoq, pisumut alakkaavoq. Piaraq annaappaa, Rigspolitiillu
Eigilip puisillu assingannik Facebookimut ikkussimmata, politiit ikkussaanni taamani
nuannarineqarnerpaat siammarterneqarnerpaallu ilagilerpaat, Kalaallit Nunaanni
Politiit allapput.
Eigil ukiuni 25-ni suleqatiminut
inuiaqatigiinnullu sunniuteqarluarsimasoq Kalaallit Nunaanni Politiit sapaatit
akunnerini kingullermi nalliuttorsiutigaat.
Eigil puisilu piaraq. Assi ukiut 13-it qaangiummata assilisaavoq.
Assi: Grønlands Politi
- Eigil suleqataalluartuuvoq – ikiuunnissamut
piareersimajuaannarpoq, qungujulaartuaannarluni inussiarnisaartuaannarlunilu
tamatsinnik qiimmatsitsiuartartoq. Aammattaaq
ilaquttatit qutsavigerusuppagut ilinnut tapersersuiuartuarsimanerat aammalu
politiitut tunniusimalluinnartutut, tamatta qutsatigeqisatsinnik,
pisinnaatitsinerat pillugit, Kalaallit Nunaanni Politiit allapput.
