Qaammataasaq Kalaallit Nunaata imartaanik nakkutilliinermi atugassaq piareertoq
Bifrost Issittup nakkutiginissaa siunertaralugu juunimi avataarsuanut aallartinneqarpoq. Atortui tamarmik atorsinnaanersut maanna misilittarneqarsimalerput.
Qaammataasaq Bifrost tassaavoq qaammataasaaraq 50 kiilunik oqimaassusilik suluusaalu 5 meterinillu takissusillit. Maluginiuteqarpoq arlalinnik assiliisinnaasunik, qinngornerillu assigiinngitsunik sakkortussusillit atorlugit paasissutissanik katersuisinnaalluni. Qaammataasat taamaattut 20-t atorlugit Danmarkimiit Sverigemiillu issittup imartaani ulloq unnuarlu pisut nakkutigineqarsinnaalissapput.
Assi: Space Inventor
Qallunaat qaammataasaat Bifrost maanna atorneqalernissamut piareerpoq.
Qaammataasaq juunip naanerani aallartinneqarpoq, maannalu atortui misilerarneqareerlutik piareerpoq.
Qaammataasamik sanasoq Space Inventor tusagassiuutinut nalunaarummi allappoq.
Bifrost SpaceX-ip rakettia atorlugu juunip naaneran avataarsualiartinneqarpoq.
Qaammataasap Danmarkip issittortaata imartaa, Kalaallit Nunaata eqqaaniittoq nakkutigissavaa. Umiarsuit radariinut maluginiutit silassorissuusiarlu atorlugit nakkutilliisoqarsinnaalluni.
Qaammataasap misilittarneqarnera maanna tassunga killittoq, Dennis Bo Hansen oqarpoq.
- Bifrostimi atortorissaarutit assigiinngitsut maanna atulerpagut, soorlu imaatigut angallatit radariisa qinngorneri maluginiarsinnaanngorlugit.
Umiarsuit radarii amerlanerit qamikkusunneq ajugaat malugisinnaagai
Qallunaat qaammataasaat umiarsuit radariinut malussarippoq, umiarsuillu sumiinnerannik eqqoqqissaartumik nalunaarsuisinnaalluni.
Tamanna Kalaallit Nunaata imartaani nakkutilliinermut iluaqutaalluarsinnaasoq suliffeqarfissuarmi pisortaq nassuiaavoq.
- Kalaallit Nunaata imartaani umiarsuit ilaat angalasut radiuminnik assigiinngitsunik qamiterinermikkut isertuussiniartarput. Umiarsuilli ikittuinnaat sumiissusersiummik radarimik atuitinnatik angalanissamik qununngitsut ikittuinnaapput, taakkuuppullu uagut nalunaarsorsinnaasavut.
Bifrostimik suliniut Danmarkimi Sverigemilu illersornissamut ministeriaqarfimmit aningaasaliiffigineqarpoq.
Suliniummi Terma, Gatehouse SatCom, Danmarks Tekniske Universitet (DTU) Sverigemiullu suliffeqarfiat Unibap Space Solutions suliniummi aamma peqataapput.
