Qaammatinngorpoq nioqqutissanik pajuttoqarmalli: Arsumi nioqqutissat nungutsitertut
Arsummi Pilersuisumut nioqqutissanik pajuttartoq Arpaarti Artica qaammatinngulersumi pajunngilaq. Tamanna arsummi innuttaasut ilaasa naammagiunnaarpaa, atsiornernillu katersilluni. - Illoqarfimmiutulli allatulli pisariaqartippara eqqortumik pineqarnissaq, oqarpoq.
Maliina Rasmussen atsiornernik maanna katersivoq, nioqqutissanik assartuinerup kipiluttunarsinnaasarnera naammagiunnaarlugu takutikkusukkamiuk.
Assiliisoq: Megan Hansen
Arpaarti Artica
kingullermik februaarip 14-ani Arsummut kingullermik tikippoq. Tamassuma kingorna Arpaarti Arctica Arsummut marloriarluni tikereertussaagaluarpoq, silallu unerisimannginnera peqqutigalugu suli
tikeqqissimanngilaq. Tamanna Maliina Rasmussenip naammagiunnaavippaa.
- Pisariaqartippara
naammagittaalliussallunga piffissaq eqqorlugu tikissinnaasannginnera pillugu. Nioqqutissat, allakkat akiligassaasinnaasullu kinguaattoornermi tigunngitsoortarpagut, Maliina Rasmussen, Arsummi innuttaasoq oqarpoq.
Arsummi niivertup Maalita Enoksenip Arsuk nioqqutissanik tikittoorsimanngitsoq uppernarsarpaa.
Maliina Rasmussen
isumaqarpoq sila ajorsimatillugu nioqqutissanik assartuinerup sapaatip akunneranik kinguartinneqartarnera sivisuallaartoq.
Arpaarti Arctica kinguaattoornera silap unerisimannginnerani peqquteqartoq, Royal Arctic Line Pilersuisumi niivertumut Maalita Enoksenimut ilisimatitsisimavoq.
- Silap ajornissaa
peqqutigalugu arfininngornermi tikissinnaanngitsoq oqarfigineqarpunga. Maliit 2 meteriisut qutsitsigilertarnissaat pissutigalugu tikinneqarsinnaasimanngilagut, Pilersuisumi niivertoq Maliita Enoksen oqarpoq.
Nioqqutissat nungutsitertut
Pilersuisumi
nioqqutissat nungutsiternerisa kinguneranik Maliina Rasmussen nioqqutissanik
aamma amigaateqarluni oqarpoq.
- Kiisa naatitagulluinnalerpunga. Inerititat, naatitat, atortussat
assigiinngitsut, nerisassiornermut akussat kiisalu manniit amigaataapput.
Qallersuutissat nungupput, immuit aamma nungulerput.
Atornerusakkagut nungupput, Maliina Rasmussen oqarpoq.
Arsummi Pilersuisumi nioqqutissat nungutsiterluinnarput.
Assiliisoq: Megan Hansen
Pilersuisumi
nioqqutissat nungutsitilersimasut niivertup aamma uppernarsarpaa.
- Amigaatinik
ulikkaarpugut, utaqqisat pingaarnerpaat tassaapput maanniit immuillu. Nioqqutissat tamarmik, pingaartumik inuussutissat nungutsitilerput. Piumaneqarnerpaallu, soorlu tupat sodavandillu nungutsiterput, niivertoq Maliita Enoksen oqarpoq.
Atsiornernik
katersineq
Maliina Rasmussen
naammagiliilluni Arsummi innuttaasunit atsiornernik katersivoq. Innuttaasut maannamut 25-it atsiorsimalerput.
- Atsiornernik
katersivunga takutikkusullugu naammginnikkunnaarnerput. Illoqarfimmiutulli allatulli Arsummi
nunaqarfimmiilluta pisariaqartippara naligiimmik pineqarnissarput, Maliina
Rasmussen oqarpoq.
- Neriuppunga
tusaaneqassalluta. Ullut arlallit kinguartitsisoqartarnera pissusissamisuunngilaq, innuttaasunummi tamanut eqquisarpoq, Maliina
Rasmussen oqarpoq.
