UNNIA
Qalasersuaq pillugu ilisimasassarsiorneq aallartittoq
Professori Thomas Funck qallunaat, svenskit canadamiullu ilisimasassarsiorneranni peqataavoq, qanittukkullu Canada-Sverige Arctic Ocean 2025-mi sikusiut Oden atorlugu Qalasersuaq tikippaa, GEUS LinkedInimi quppernermini allappoq.
Qallunaat Canadamiullu Qalasersuarmik Ilisimatuutut misissueqqissaartut.
Assi: GEUS LinkedIn.
Tassani GEUS Aarhus Universitetilu imaq sikulik pillugu geofysikkimi atortorissaarutit immikkut ittumik sanaat atorlugit suleqatigiillutik immap naqqanik assiliorput.
- Misissuinerit inerneri Issittup Imartaani nunap sajunneranik paasinninnissamut iluaqutaassapput.
- Paasissutissat nutaat ilisimasanik nutaanik Amerasiami nunap sajunneranik misissueqqissaarnermi atorneqarsinnaasunik ilasaqassasut naatsorsuutigineqarpoq, professori Thomas Funck, teknikerinit Sigurd Bøgelund Andersenimit, Lukas Sólheimimit aamma Per Trinhammerimit (AU), ph.d.-nngorniartumit Andreas Duus Petersenimit AU-meersumit aamma ilinniaatigalutik ikiortinit Rebekka Danielsenimit aamma Jonathan Hasselgaardimit peqatigineqartoq, oqarpoq.
UNNIA
Nuannersumik, tissinartumik allaasumilluunniit inuttut oqaluttuassartaqarpit inunnut amerlanernut siaruaakkusutannik, taamaappat AG saaffigiuk redaktion@ag.gl-imut allallutit. Saaffiginnissutit aallartillugu allassaatit UNNIA assitalersinnaavallu. Aamma 39 39 52 sianerfigisinnaavat allakkamilluunniit nassiussillutit: Atuagagdliutit/Grønlandsposten, Sipisaq Avannerleq 10 B, Postboks 39, 3900 Nuuk.
Unniami atinut tunngasut suulluunniit sammivavut. Sammineqarsinnaasut tassaasinnaapput katinnerit, toqusumik eqqaaniaaneq, ilasseqatigiinnerit, marlulissanik ernisut, akunnaalliliillutik inuuissiortut, atorfinittut minnerunngitsumillu inuttut oqaluttuassat immikkuullarissut – qungujunnarsinnaasut.
