Qallunaat pilattaasartut Nuummi pilattaasartut qaratsakkut aanaartoornermik suliaqarneranni ikiuuttalerput

Kalaallit Nunaanni inuit qaratsakkut ajoqusernerminni aanaartoorunik Danmarkimut aallarlutik suliaritikkiartortariaarupput.

Ullumikkummi nuummi suliarineqarsinnaapput.

Nuummi nakorsat qaratsamik pilattaanerminni isarussat nutaaliat atorlugit Danmarimit nakorsaniit pilattaanermi malinnaaffigineqarsinnaalerput.

Qaratsakkut aanaartoortoqartillugu pigasuartumik pilattaasoqartillugu napparsimasut aaqqipallannissaat ilimanaateqarnerusarpoq.

Taama oqarpoq Jeppe Lohfert Haslund-Vinding, Rigshospitalimi qaratsamut sianiutinullu pilattaasartumi nakorsatut taartaagallartartoq siullersaallunilu suliniummillu aallarniisoq.

- Qaratsakkut aanaartoortoqartillugu qarasaq naqitsineqaleraangat piffissami sivisuumi aallarussineq piffissaavallaarneq ajorpoq. 

- Taamaaliortoqaraangat piaarnerpaamik iliuuseqapallattariaqarpoq. Nalunaaquttap akunnialunnguit apeqqutaasinnaapput, taamaaliunngikkaannilu inuup inuunera annaanneqarsinaanngilaq imaluunniit innarluuteqalersinnaapput. Taamaammat pingaaruteqarluinnarpoq piaartumik nakorsaanissaq, isarussallu nutaaliat atorlugit Kalaallit Nunaanni pilattaasarfimmi atorlugit taamaaliortoqarsinnaavoq piaartumik.

Kalaallit Nunaanni inuit qulit missaaniittut ukiumut niaqumigut ajoqusertarput, taakkulu qaratsakkut aanaartoorsinnaasarput.

Taamak pisoqaraangat Dronning Ingridip Napparsimavissuani pilattaasartut Rigshospitalimut saaffiginnittarput.

Danmarkimi qaratsakkut pilattaasartut iliuusissatuaraat pilattaavimmi qarasaasiaq oqarasuaalluunniit angallattagaq atorlugu takunnissinnaanissaq.

Isarussat mikrofiniat assiliivialu atorlugit pilattaasartoq Danmarkimeersoq Kalaallit Nunaanniittutulli tusaasaqarsinnaallunilu tusaasaqarsinnaavoq.

Skærmi atorlugu pilattaasartoq titartaasinnaavoq pilattaasartorlugu oqaluussinnaallugu pilattaaneq qanoq ingerlassanersoq.

Niaqoq annerujusuarsimaguni niaqqup qaatigut aanaartoortoqarsinnaavoq, tassanilu qaratsap ipiutaa naqitsineqalersinnaalluni. Naqitsineq annikillisinniarlugu pilattaasartoq napparsimasup niaquata saania putusinnaasarpaa, aanaartoorfiup nalaatigut.

Aatsaalli pinartoqartillugu isarussat nutaaliaasut atorlugit siulersorneqarsinnaapput.

Allanik qaratsakkut napparsimasoqartillugu nalinginnaavoq napparsimasoq Danmarkilianneqartoq, Jeppe Lohfert Haslund-Vinding oqarpoq.

Kalaallit Nunaanni iluatsilluarsimanera pissutigalugu Rigshospitalimi pilattaasartut Savalimmiuni Torshavnimi Landssygehusimi pilattaasartut assingusumik suleqatigilernissaannik piareersaapput.

/ritzau/