Qaqortumi bloki ikuallattoq – Kulusummi ikuallanneq pillugu nutaarsiassaq
Arfininngornermi unnukkut Qaqortumi Blok A-mi ikuallattoqarpoq.
Assi: Oscar Scott Carl
Politiit
qatserisartullu sapaatip akunnerata uuma naanerani ikuallattunik
suliassaaleqinngillat. Kulusummi annertuumik ikuallattoqarnerata saniatigut
aamma Qaqortoq arfininngornermi eqqugaavoq.
Arfininngornermi
unnukkut Poul Ibsensvejimi Blok A-mi ikuallattoqartoq nal. 20.19 kalerrinneqartut,
pigaartut pisortaat Thomas Jeppesen ilisimatitsivoq.
Ikuallanneq
inissianut allernut siaruaappoq, quleriillu siullermiittut akimorlugit ajoqusiilluni.
Ineqartut allanut inisseqqinneqarput.
Qaqortumi
ikuallanneq qanoq aallartissimanersoq sapaammi ullaakkut oqaatigissallugu
siusippallaarpoq.
Politiilli
Kulusummi ikuallanneq pillugu tamanna sanaartortut sulinerannut atatillugu
pilersimassagunartoq oqaluttuarisinnaavaat.
