Qimuttoqarfinni uumasut nakorsaannik pilersitsinissamut misissuisut

Avannaani uumasunut nakorsiartarfimmi pilersitsinissaq imminut akilersinnaava? Tamanna uumasunut nakorsanngorniat marluk akissutissarserusuppaat.

Qimmeqarfinni najugallit uumasut nakorsaannik pisariaqartitsinersut paasilluarniarlugu uumasut nakorsaattut ilinniartut Ivalu Mortensen aamma Louise Niiranen maannakkorpiaq misissuipput.

- Paaserusukkatsigu avannaani sumi uumasut nakorsaannik pilersitsineq imminut akilerluarsinnaanerunersoq, Ivalu Mortensen Sermitsiamut oqarpoq, nangillunilu:

-Massakkorpiaq nittartakkakkut apersuisuvugut, tassani qimuttunik qimmillit uumasut nakorsaannut qimmitik nakorsiunniarlugit qanoq aningaasanik akileerusutsiginersut paasiniarlugu. 

Nuummi uumasunut nakorsaqarpoq, nunattali sinnera soqarani. Ivalu Mortensenip avannaani uumasunut nakorsiartarfimmik ammaanissaminut soqutiginnippoq.

Uumasut nakorsanngorniat avannaani takussaajumaartut

Uumasut nakorsaattut ilinniartut misissuinerminni nunatta avannaa misissuiffigiartornissaanut pilersaaruteqarput. Misissuillutik tikeraarnerminni qimuttunik qimmillit qimmimi peqqissusaannut paaqqutarinninnissaminnut pisariaqartitaat unamminartullu pillugit qanimut apersuiniarput.

- Uumasut nakorsaannik pisariaqartitsinerannut tunngatillugu itinerusumik paasisaqarnerorusuppugut, taamaattumik avannaanukarluta qimuttunik qimmillit apersoriartussavagut. Kingorna apersuereerlutta paasissutissat pisagut misissoqqissaassavagut.

Angalanerminni Uummannaq apriilip 30-annit maajip 12-ata tungaanut tikeraassavaat, kingorna maajip 13-aniit 15-anut Ilulissanut tikeraassapput, naggataatigullu maajip 16-anniit 24-ata tungaanut Sisimiuniissallutik. 

Ivalu Mortensenip ilanngullugu oqaatigaa soraarummiissutissartik aggustip qaammataani tunniutissallugu. 

Ivalu Mortensen oplyser, at de skal aflevere deres speciale i augustmåneden.