KL

DK

Qineqqusaarnertalimmik qinersinerit sisamat – qinersinertaqanngitsumik qinigaasut 62-it

Ilagiinnut sinniisoqarfinni 66-iusuni ilaasortanngortussani 259-iusuni qinigassanngortittut 108-t.

Illoqarfimmi oqaluffimmik pingaarnersaqarfiusumi qinersinertaqanngitsumik ilaasortanngortoqassaaq: Nuummi ilagiit sinniisaanni ilaasortaasussat 13-iusussaapput, sisamaannaalli qinigassanngortinniarlutik nalunaarsimallutik.
Kurt Kristensen Kurt Kristensen Tusagassiortoq
Saqqummersinneqarpoq

Marlunngorpat apriilip aallaqqaataanni qinersisartunit ilagiit sinniisaat 66-it qinerneqartussaapput, ilaasortanngortussalli amerlanersaat piareerneqareerput.

Kangaatsiami, Attumi, Ilulissani Qaanaanilu qinersisartut kisimik qinersisariaqassapput; nunap sinnerani qinersinertaqanngitsumik ilaasortanngortoqassaaq. 

Marlunngorpat apriilip aallaqqaataanni qinersisartunit ilagiit sinniisaat 66-it qinerneqartussaapput, ilaasortanngortussalli amerlanersaat piareerneqareerput.

Kangaatsiami, Attumi, Ilulissani Qaanaanilu qinersisartut kisimik qinersisariaqassapput; nunap sinnerani qinersinertaqanngitsumik ilaasortanngortoqassaaq. 

Ilagiit sinniisaannut suleqataanissamut soqutiginninneq ukioq manna aatsaat taama appasitsigaaq. Ilagiit sinniisaannut nuna tamakkerlugu 259-it ilaasortanngortussaapput, qinigassanngortitulli 108-t kisimik nalunaarsimallutik. Avannaata Kommunia nittartakkamini allappoq qinigassanngortittut kingullermik qinersinermut sanilliullugit ikileriarujussuarsimasut. Tamatuma peqatigisaanik kommunip paasissutissiissutigivaa qinigassanngortittut 27-t nunaqarfinneersuusut, illoqarfinnilu qinigassanngortittut 17-iinnaallutik. 

QINERSIVIIT 66-IT – QINIGASSANNGORTITTUT 108-T

Nanortalik 

Nanortalik (5): Serie Kristoffersen, Thora Andreassen, Aningaaq Geraae, Didda Isaksen, Frederik Manassen. 

Aappilattoq (3): - 

Narsaq Kujalleq (3): - 

Tasiusaq (3): - Ammassivik / Alluitsup Paa (3): - 

Qaqortoq 

Qaqortoq (7): Augusta Egede, Jakob Petrussen. Jens A. Geraae, Adolf Stach. 

Eqalugaarsuit (3): - 

Saarloq (3): - 

Narsaq 

Narsaq (6): Jens Ludvigsen, Helga Egede, Ane Marie Poulsen, Dorthe R Frederiksen, Isak Josefsen, Kathrine Pape Josefsen. 

Igaliku (3): - 

Narsarsuaq / Qassiarsuk (4): - 

Paamiut Paamiut (6): Hansine Gabrielsen, Gerda Jakobsen, Doris M. Petersen. 

Arsuk (3): Angerdla Poulsen. 

Nuuk 

Nuuk (13): Sara Elgaard-Jørgensen, Kaj Peter Møller Heinrich, Ingrid Inûsogtok, Knud Møller. 

Kapisillit (3): - 

Qeqertarsuatsiaat (3): Janny Noahsen Møller, Lars Møller.

Qinigassanngortinnissamut nalunaarnissamut piffissaliussaq marlunngornermi marsip sisamaanni qaangiuppoq.

Qinersinermut ataatsimiititaliap, biskop Paneeraq Siegstad Munkip aamma ilaasortaaffigisaata, kommunini qinersinermut siulersuisut piffissaliussap sivitsorneqarnissaanut periarfissippai, qinigassanngortikkusuttut amerlanerusut sassarsinnaaniassammata. Periarfissaq tamanna Ittoqqortoormiinit taamaallaat atorneqarpoq, nunap sinnerani periarfissiisoqarani.

Periarfissat sisamat 

Namminersorlutik Oqartussat ilagiit sinniisaannut qinersisarnerit pillugit nalunaarutaanni januaarip 31-anneersumi qinersivinni 66-iusuni ilaasortat qassiunissaat aalajangersarneqarpoq. 

Piffissaliunneqartoq qaangiukkaangat, sisamanik periarfissaqalersarpoq.

Sumiiffinni ilaasortaasussatut aalajangersakkanit amerlanerusut qinigassanngortinniarlutik nalunaarsimappata: Qinersisoqassaaq.

Sumiiffinni ilaasortaasussatut aalajangersakkat amerlaqataannik qinigassanngortittoqarpat: Qinersinertaqanngitsumik tamarmik ilaasortanngussapput. 

Sumiiffinni ikippallaanik qinigassanngortittoqarpat: Qinersinertaqanngitsumik tamarmik ilaasortanngussapput, tamatumalu kingorna ilaasortaasussat sinneri najukkaminni toqqassallugit. 

Sumiiffinni qinigassanngortittoqarfiunngitsuni: Palasip oqaluffimmi atuagarsuarnik isumaginnittup suliassaq isumagissavaa. 

Qinersinerup kingorna 

Qinersinerup kingorna najukkami palasip imalunniit ajoqip ilaasortanngortut ilagiit sinniissaanni sulinissaat pillugit paasissutississavai, qinigaasullu inissitsitissallutik tassaasunik siulittaasoq, siulittaasup tullia aamma allatsi. Tamatuma kingorna provstit, soorlu Kujataata provstia, Qeqqata Tunullu provstia aamma Avannaata provstia pikkorissartitsissapput aallarnisaanermik taallugu, illoqarfinni nunaqarfinnilu ilagiit sinnissaannut ilaasortat tamarmik immikkut marlunnik aallartitaqarlutik, inatsisit atuuttut naapertorlugit pisinnaatitaaffitik pisussaaffitillu pillugit ilinniartinneqassallutik.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

ilaasortat avannaata kommunia qinersineq paneeraq siegstad munk inuiaqatigiit namminersorlutik oqartussat

Atorfiit tamaasa takukkit

– Se alle jobs

Powered by Labrador CMS