Qinersiartortut ikilerujussuartut
Valg.gl naapertorlugu marlunngormat qinersinermi qinersisinnaasut 52,7 procentii qinerisartorput.
Marlunngormat Nuup timersortarfissuani qinersiartortut.
Assi: Oscar Scott Carl
Marlunngornerup ingerlanerani qinersiviit arlallit qinersiartortut ikinnissaannik oqaatigisaat eqquuppoq.
Valg.gl marlunngornermi inuit 24.816-t qinersiartortut takuneqarsinnaavoq, taakkulu qinersisinnaasut 52,7 procenteraat.
Tamanna 2021-mi qinersinermut sanilliullugu 4.801-inik appariarneruvoq. Taamanikkut qinersisinnaasut 63,8 procentii qinersiartorput.
Qinersinerullu siulia qiviassagaanni taamanikkut qinersisinnaasut 61,1 procentii qinersipput. 2013-mi 58,1 procentiupput, tassa matumani ukiuni aqqaneq marlunni kingullerni qinersiartortut annertuumik appariartut oqartoqarsinnaavoq.
Kommuneqarfik Sermersuumi borgmesteri Avaaraq S. Olsen qinersiartortut appasikkumaarnerannik aarlerisunut ilaavoq. Taassuma USA-p tatisinerata kinguneranik nunarsuarmi politikip kommunimi politikimi qanilaarnermut attuumasunik oqallinneq qalleraa, marlunngornermi Sermitsiamut oqaatigaa.
Nuummi Avaaraq S, Olsenip qinersinermik malinnaaffigisaani 42 procentit qinersiartorput. 2021-mi qinersinermi 56,3 procentit qinersiartorput.