Qulimiguulik isumannaallisaaneq peqqutigalugu mittariaqartoq
Anoraasuarujussualernera pissutigalugu qulimiguulik Nanortalimmiit aallaraluariarluni isumannaallisaaneq peqqutigalugu mittariaqalersimavoq. Ilaasut tamarmik ajunngitsut, Air Greenland nalunaarpoq.
Bent Ole Silassen
Qulimiguulik qulinik ilaasoqartoq, Nanortalimmiit sisamanngornermi apriilip 25-ani nal. 14.00 missaani aallaraluartoq, ingerlaannartumik isumannaallisaaneq peqqutigalugu mittariaqalersimavoq. Tamanna Air Greenlandip nittartakkamini tamanna uppernarsarpaa.
Air Greenland ilisimatitsivoq, helikopteri Nanortalimmi heliportimit 100 meterinik ungasitsigisumi mittariaqalersimasoq, qangattarnerup nalaani anoraasuarujussuartaalernera pissutigalugu.
- Ilaasunik sulisunillu pisumi ajoqusertoqanngilaq, taamatuttaaq qulimiguulik ajoqusernani. Air Greenlandimit pisoq misissorneqarpoq, ilaasullu isumagineqarput. Qulimiguulik miffissaminnut ajoqusernani mippoq, Air Greenlandip nittartakkamini nalunaarpoq.
