Partii nutaaq Qulleq 2023-imi pilersinneqartoq maannakkut
Narsami, Qaqortumi, Nuummi, Maniitsumi, Sisimiunilu immikkoortortaqarfeqarpoq.
Sulilu amerlanerusunik ammaanissaq maanna sulissutigineqartoq, siornatigut
Siumut tunuliaqutaralugu Inatsisartunut ilaasortaasimasoq, partiimik aallarneeqataasoq
siulersuisuunernilu siulittaasup tullia, Henrik Fleischer, oqarpoq.
Partii nutaaq Qulleq 2023-imi pilersinneqartoq maannakkut
Narsami, Qaqortumi, Nuummi, Maniitsumi, Sisimiunilu immikkoortortaqarfeqarpoq.
Sulilu amerlanerusunik ammaanissaq maanna sulissutigineqartoq, siornatigut
Siumut tunuliaqutaralugu Inatsisartunut ilaasortaasimasoq, partiimik aallarneeqataasoq
siulersuisuunernilu siulittaasup tullia, Henrik Fleischer, oqarpoq.
Inatsisartunut kommunalbestyrelsinullu
qinigassanngortitsissamut piareersaatit maanna ingerlasut,
qinigassanngortitsinissamullu atsiornerinit ikinnerpaamik 870-nit pisariaqartinneqartuniit 600-it missaat
katersorneqareersimasut, taassuma oqaatigaa.
Tigulluarneqartoq
Partii aallarteqqaarnerminiit saqqumivallaarsimanngilaq,
taamaakkaluartoq ukioq manna Inatsisartunut kommunalbestyrelsinullu
qinersinissamut piareersaatit piffissaq sioqqutingaatsiarlugu ingerlanneqarsimapput,
partiilu nutaaq tigulluarneqarsimasoq, siulersuisut oqaatigaat.
- Atsiornernernik katersinitsinni
tapersersorneqarluarnerput malunnarluarpoq, partiillu pioreersut
arlaqaraluartut inissaqartinneqarluarluta misigisimavugut, taamaattumik
tigulluarneqarnerput nuannaarutigaarput.
- Partiip 2024-miit 2027-mut anguniagai piffissami
sivisuumi peqqissaarullugit suliarisimavagut, Henrik Fleischer, 2023-imi
Siumumiit ilaasortaajunnaartoq oqarpoq.
Piffissami matumani Ilulissani immikkoortortaqarfissaq
nutaaq pilersinneqalersoq, taassuma oqaatigaa.
Kalaallit qitiutillugit
Kalaallit inuiattut ineriartornissaannut ikorfartuutaasussat
pingaarnerit aallaavigalugit sulineq ingerlanneqassasoq, Henrik Fleischer
oqarpoq.
- Kalaallit Nunaani pisortat suliffeqarfiutaanni
allaffissornermi kalaallisut oqaatsit aallaavigalugit sulinissaq, nunattalu
aningaasatigut nammineq napatittup naalagaaffinngornissaa
suliniutigineqartussat ilagaat.
- Nunatsinni kommunerujussuarnut aaqqissugaaneq inuiaqatigiinni
sullissinermik ilaatigut sanngiinerulersitsisoq atorunnaarlugu, nunatsinnut inuusaatitsinnullu
naleqqunnerpaaq aallaavigalugu nutaamik aaqqissugaaneq eqqunneqassaaq.
- Kalaallillu Nunaani pisuussutsit uumassusillit
uumaatsullu nunatsinnut innuttaasunullu iluanaarutaasumik isumatuumillu inuussutissarsiornikkut
aningaasarsiornikkullu atorneqarnissaat pimoorullugu sulissutigissavarput,
taanna oqarpoq.
Qulleq qeqqani inissisimasuusoq qinersereernerullu kingorna
partiinik sunilluunniit suleqateqarnissamut ammasoq, Henrik Fleischer
erseqqissaavoq.
