Pisiniarfinni nioqqutissat ulluinnarni pisiarineqartartut akitsoraluttuinnartillugit aningaasarsiassat akit qaffakkiartornerannut malinnaasinnaannginnerat pissutigalugu innuttaasut aningaasaateqarpiarunnaarput.
Akit qaffannerat assigiinngitsunik pissuteqarpoq. Nioqqutissat akii nalimmassaraangamikkit assartuinermut aningaasartuutit eqqarsaatigisaritsik Pisiffik akissummini ilaatigut nassuiaavoq.
Pisiniarfinni nioqqutissat ulluinnarni pisiarineqartartut akitsoraluttuinnartillugit aningaasarsiassat akit qaffakkiartornerannut malinnaasinnaannginnerat pissutigalugu innuttaasut aningaasaateqarpiarunnaarput.
Akit qaffannerat assigiinngitsunik pissuteqarpoq. Nioqqutissat akii nalimmassaraangamikkit assartuinermut aningaasartuutit eqqarsaatigisaritsik Pisiffik akissummini ilaatigut nassuiaavoq.
Royal Arctic Linep, nioqqutissanik assartuisartut, ukiut kingulliit marluk ingerlaneranni assartuinermut akit qaffanneqarnerannut pissutaasoq pissusissamisoortoq Sermitsiamut nassuiaatigaa.
Umiarsuit nutaat pisariaqartinneqartut
Assartuinermi akit ukiuni arfineq-pingasuni qaffanneqarsimanngimmata akit allanngortinneqarnissaannut 2023-mi nutaamik malittarisassaliortoqarpoq. Tamanna RAL-ip 2024-mi assartuinermi aqqutini tamani akit 6,4 procentimik qaffaaneranik kinguneqarpoq, aammattaarlu ukioq manna ukiullu marluk tulliuttut akit qaffanneqarnissaat naatsorsuutigineqarpoq.
Akit qaffanneqarnerat siunissami pilersuinerup qulakkeerneqarnissaanik pilersaarutinut aningaasaliissutinut matussusiiumaartoq RAL-ip attaveqatigiinnermut immikkoortortaqarfia ilisimatitsivoq.
- Royal Arctic Linep umiarsuassaanik, Kalaallit Nunaanni pilersuinermik siunissami qulakkeerinnittussanik, aningaasaliisoqartariaqarnera pissutigalugu assartuinermut akit nalimmassarneqarsimapput. Aningaasaleeqqinnermi sipaaruteqartoqartariaqarpoq, taamaammallu tamanna pisariaqarsimavoq, Royal Arctic Line allakkatigut akissuteqarluni allappoq.
Naalakkersuisut akueraat
RAL Namminersorlutik Oqartussanit pigineqarpoq. Taamaammat Naalakkersuisut umiarsuaatileqatigiiffiup ulluinnarni ingerlatsinerani akit allanngortinneqarneri akueralugilluunniit itigartitsissutigissavaat.
Umiarsuaatileqatigiiffik Islandip Kalaallit Nunaatalu akornanni assartuinermi akit appartinneqarnissaannik siunnersuuteqarsimasoq RAL nassuiaavoq:
- Royal Arctic Linep Islandip Kalaallit Nunaatalu akornanni assartuinermi akit appartinneqarnissaat marloriarluni siunnersuutigisimavaa, tamannali manna tikillugu politikkikkut tapersersorneqanngilaq, taama oqarput.
Umiarsuaatileqatigiiffik aamma pilersuinermi aningaasartuutit qaffakkiartornerannit eqqugaasoq RAL nassuiaavoq.
