RRS James Cook takornariaruk

Nuummi innuttaasut Tuluit Nunaanniit ilisimasassarsiorluni umiarsuaq RRS James Cook alakkarternissaanut periarfissaqarput, tamanna aggustip ulluisa 14-anni pissaaq.

RRS James Cook, UK National Oceanography Centremit ingerlanneqarpoq, ullorlu manna tikillugu umiarsuarnit tamanit ilisimatusarnikkut atortorissaarnerpaavoq, pingaartumik nunarsuarmi avatangiisitigut atugassatigut ilungersunarnerpaanut tulluarsagaalluni, imarpiit kissartunit aammalu issittup imartaani.

Nuummi

RRS James Cook susassaqarluni Nuummiilaarpoq Kalaallit Nunaanniit Reykjavikkimut ilisimatusarfigisassartik aallartinnginnerani. Tassani angalanermini ilisimasassarsiorfissaq annertooq, ukiup ilivitsup ingerlanerani Labrador Seamiit Atlantikup Avannarliup akornani uumassuseqartut imartani kulstofimik qanoq annertutigisumik akoqartoqarneranik misissuineq pissaaq.

- The RRS James Cook-imi inuttat ilisimatuullu assorsuaq Nuummiinnitsinni Kalaallit Nunaanni innuttaasut aggersinnaasut ikaartut tikilluaqqunissaannut qilanaarput. Periarfissaq qaqutigoortuuvoq umiarsuarmi suliat pillugit taamatut ilisimatuunit saqqummiussivigineqarsinnaaneq aammalu ilisimatuussutsikkut sunik suliaqartoqarneranik nassuiaanneqarsinnaaneq aammalu sooq suliat inuiaqatigiinnut pingaaruteqartuunersut nassuiaatigisinnaanerat. 

- Neriuppugut kinguaariit tullissaanut imarpiit pillugit, teknologi pillugu aammalu imarsiorneq pillugu pissarsiffiusumik ilisimatusaqataarusulersitsinissamik tunniussaqarsinnaassalluta, RRS James Cook-imi kaptajni James Gwinnell tusagassiuutitigut nalunaarummi allappoq.

Tuluit Nunaata imarpiit pillugit ilisimatusarfiata aammalu Tuluit Nunaata Danmarkip naalagaaffianut aallartitaqarfiata innuttaasunut tamanut ammasumik RRS James Cookimut aggustip 14-ani nal 15.00-miit nal 17.00-mut takornariartoqarsinnaaneranut aggersaavoq, tamannalu Cruise Berth NY Atlantkajimi pissaaq (Aqqusinersuaq 2814, Nuuk).

Talittarfimmi sutugassaqartitsisoqassaaq.