Rubio: Kalaallit Danmarkimit avissaarusupput

Danmarkip kalaallit Danmarkimit avissaarusunnerat eqqarsaatiginerusariaqarpaa.

USA-p nunanut allanut ministeria Marco Rubio, Nato-mi nunanut allanut ministerit ulluni marlunni Bruxellesimi ataatsimiinnerisa naammassinerata kingorna, oqarpoq .

- Kalaallit namminneq aalajangiisussaapput, Reuters naapertorlugu Rubio oqarpoq.

Marco Rubio naapertorlugu USA-p kalaallit namminneq aalajangiisinnaatitaanerat ataqqivaa, USA-llu Danmark kalaallillu qulaatiinnarlugit Kalaallit Nunaat tiguarunnanngilaa. Kalaallinuku namminneq Danmarkimiit avissaarusuttut, oqarpoq:

- Kalaallit Danmarkimut atarusunnginnertik erseqqissumik oqaatiginikuuaat. Tamanna Danmarkip ukkatarisariaqarpaa. Uagut isumassarsitinngilavut. Sivisuumik oqaluuserisarsimavaat, Marco Rubio oqarpoq.

Taamaalilluni kalaallit namminneq aalajangiisinnaanerat eqqaavaa:

- Taama aalajangernialerunik taamaaliorsinnaalissapput.

- Kalaallilliukua Kinamik isumalluuteqalersarnerannik kinguneqartumik Kinamit aningaasarpassuarnik neqeroorfigineqarnissaat ingalassimaniaripput, Rubio franskit nutaarsiassaqartitsiviat AFP naapertorlugu oqarpoq.

Rubiop Danmarkimi nunanut allanut ministeri Lars Løkke Rasmussen (M) ataatsimeeqatigereerlugu oqarpoq.

Kalaallit Nunaat pillugu oqariartuutigineqartartut unitsinneqartariaqartut qallunaat nunanut allanut ministeriata USA-p nunanut allanut ministerianut tassani erseqqissaatigaa.

- Naalagaaffik sinnerlugu erseqqissaanissamut periarfissaq soorunami atorluarpara.

- Tassa Amerikamiut præsidentiata Kalaallit Nunaannik tiguaaniarluni oqariartuuteqartuarnera akuersaarneqarsinnaanngitsoq oqaatigaara, Lars Løkke Rasmussen ataatsimiinnerup kingorna oqarpoq.

Tamannali Trumpip atorfilittaanut kissaatigisatut sunniuteqarpasinngilaq.

Marco Rubiop oqariartuutaata saniatigut USA-p præsidentiata tulliata J.D. Vancep USA-p Kalaallit Nunaannik soqutiginninnera nunap isumannaatsuuneranut tunngassuteqartoq, aamma USA-p soqutigisani "come hell or high water" (susoqaraluarpakkuunnit aaqq.) illersorniarai oqaatigaa. Løkkep Rubiomik ataatsimeeqateqareernerata kingorna taama oqaaseqarpoq.

Ministeriunerup Mette Frederiksenip (S) Trumpip aqutsisui paasitinniarlugit Kalaallit Nunaat pillugu akerleriinneq unitsinneqartariaqartoq sisamanngornermi oqaaseqarfigaa.

- Nunat allat tiguarneqarsinnaanngillat, Mette Frederiksen umiarsuarmi alapernaarsuummi "Vædderen"-imi Nuummiittumi tusagassiortunik katersortitsinermi oqarpoq.

NATO-p generalsekretæriata Mark Ruttep USA-p Danmarkillu, Nato-mik pilersitseqataasimasut, isumaqatigiinngissutaat oqaaseqarfigerusunngilaa.

Issittup illersorneqarnerata annertusarniarlugu Nato-mi nunat ataatsimoortinnissaat kisiat ukkatarigini NATO-p nunanut allanut ministeriisa ataatsimiinnerisa kingorna Rutte tallimanngormat oqarpoq.

/ritzau/