Russinut suluppaagarnianut ikiuisarnermik inerteqqut
Nalunaarutip nutaap Russinut Irmingerip imartaani aalisartunut, Kalaallit Nunaata kangiata kujammut sineriaata Islandillu sineriaata akornanniittup imartaani, suluppaagarniarneq ajornakusoornerulersissavaa.
Annonse
Namminersorlutik Oqartussat nalunaarut nutaaq tusarniaassutigaat. Tassani usinik nuussisarneq umiarsualivinnilu allatigut kiffartuussisarneq inerteqqutaalissasoq, kiisalu imaani usinik nuussisarneq, orsersuisarneq imaluunniit angallatit nunagisamik erfalasuinik atuisut nunaqqatimik angallataannut pineqartunik pisaqarsimasunut ikiorsiissuteqarnerat inerteqqutaalissasoq.
Allassimavoq russit aalisartuisa "arriitsumik aalisagaqatigiit taakku ikiliartortillugit (suluppaakkat aaqq.)" aalisartartut.
ICES-ip (International Council for the Exploration of the Sea) Irmingip Imartaani suluppaakkanik ikerinnarsiortunik pisaqartoqartannginnissaa ukiuni arlaqartuni innersuussutigisarsimavaa.
- Kalaallit Nunaat Savalimmiut peqatigalugu Grønland DFG-mi (Denmark in respect of the Faroe Islands and Greenland) sinniisuutitaqarpoq. DFG inerteqquteqalernissamut taaseqataasimavoq, taamaammallu Kalaallit Nunaanni inatsisitigut siunnersuummik atuutsitsilernissamut pisussaaffeqartoqarpoq, nalunaarummut siunnersuummi allaassimavoq.
Tusarniaaneq maajip aappaanut killeqarpoq.
