Sapaatip akunnerata naanera politiinut ulapaarfiungaatsiartoq: Imminut toqunnissamik siorasaarinerit imigassartorsimallunilu pisut
Kalaallit Nunaanni Politiit sapaatip-akunnerata naanerani ulapaarsimaqaat, pigaartut pisortaat Bent Johnsen Sermitsiamut oqarpoq. Politiit pisut ilungersunartut amerlasuut, ingammik imminut toqunnissamik sioorasaarinerit, nakuusernerit pinngitsaaliinerillu suliarisimavaat.
Qaammat suli naanngimmat Sermitsiaq aperivoq, sooq sapaatip akunnera taama ulapaarfiutigisimanersoq: - Uagut aamma eqqarsarnartoqartipparput, taamaattumik annerusumik akissutissaqartinngilarput, Bent Johnsen oqarpoq.
Kalaallit Nunaanni Politiit naapertorlugit sapaatip-akunnerata naanerani inuit 20-t missaat imminut toqunniarlutik sioorasaarsimapput imminorniarsarisimallutillu. Pigaartut pisortaata oqaluttuaraa politiit nunaqarfimmukartariaqarsimasut imminut toqunnissamik siorasaarisoq ikiorniarlugu.
- Pisut eqqarsaatigalugit inuttaa maanna ajunngilaq, Kalaallit Nunaanni Politiit pigaartuisa pisortaat, Bent Johnsen Sermitsiamut oqarpoq.
Aalakoortoqarsimanera pissutigalugu sapaatip akunnerata naanera ulapaarfiusimaqaaq, ilaatigut Sisimiuni ATV-mik ajutoortoqarpoq, tassani aquttoq aalakoorluni ATV-eersimasutut pasineqartoq niuminik napisimavoq.
Tallimanngornerup arfininngornerullu akornanni pisut nalunaarutigineqartut kisitsisinngorlugit, nuna tamakkerlugu:
-
11 inunnut nakuusernerit
-
2 pinngitsaaliinerit
-
5 tillinniarnerit
-
20 imminut toqunnissamik siorasaarinerit imminullu toqoriarnerit
-
16 angerlarsimaffimmi eqqissiviilliortitsinerit, taakkunani meeqqat 18-it inorlugit ukiulinnik meerartallit arfineq-marluk.
Qaammat suli naanngimmat Sermitsiaq aperivoq, sooq sapaatip akunnera taama ulapaarfiutigisimanersoq:
- Uagut aamma eqqarsarnartoqartipparput, taamaattumik annerusumik akissutissaqartinngilarput, Bent Johnsen oqarpoq.
