Satellitsimut attaveqarneq kipisoq

Illoqarfiit inoqarfiillu ataasinngornermi ullup-qeqqanut satellitsikkut attaveqarfigineqarsinnaanngitsut Tusass nalunaarpoq.

Peqqutaasoq suli ilisimaneqanngilaq, Tusassilu ajornartorsiummik misissuilluni aallartippoq.

Ajornartorsiut pissutigalugu inuit satellitsinik attaveqarfiusuniittut oqarasuaatikkut internettikkullu attaveqarsinnaanngitsut Tusass Facebookimi allappoq.

- Ajornartorsiut piaarnerpaamik aaqqinniarlugu suliffeqarfitsinni upalungaarsimaneq aallartipparput, Tusass allappoq.

Nalunaaqutaq 10.30 attaveqaatit kipisimasut Tusassimi paasineqarpoq, nunanilu tamalaani suleqatit peqatigalugit ajornartorsiut aaqqinniarlugu sulissutigilerpaa.

- Politiit, Issittumi Sakkutooqarfik peqqinnissaqarfillu ilisimatinneqarput, Tusass allappoq nangillunilu:

- Tasiilami peqqinnissaqarfik attaveqarpoq. Atuisut radio atorsinnaavaat, tv-li aamma timmisartunut sinerissamilu radio attaveerupput.

Suliaq Tusassip nittartagaani malinnaaffigineqarsinnaavoq.