TUSASS
Sila attaveqaatit ajortarnerinut pissutaavoq
Tusassip nassuerutigaa siorna novembarimi Greensatip satellitsianut nuunnermi kingorna Kujataani savaatillit naammaginartumik kiffartuussinnaasimanagit.
Det er dyrt at afskærme antenneanlæg med en kuppelformet skærm, oplyser Tusass, som arbejder på at forbedre servicen i Sydgrønland gennem andre initiativer.
Leiff Josefsen
Tusass novembarimi Kujataani satellitsikkut attaveqaatitigut kiffartuussinermik neqerooruteqartalermat sukkassuseq datamillu atuineq qaffasipput, kisiannili sakkortusaaviit nutaat qaffasinnerusullu anorimit sialummillu sunnerneqarsinnaapput, tamannalu ilungersunartoqarpoq.
- Savaatillit allallu VSAT-ikkut sullinneqartut Nuummi nunami
sakkortusaaverujussuakkoortumik pilersorneqarput. Pilersinneqarnerani
periaatsip silamut patajaannerulersinnissaanut suliniuteqartoqarpoq,
kisianni Tusass-ip suliniutit patajaallisaasussat sunniuteqarnissaanut
naatsorsuutigineqartumut oqimaaqatigiisinniarsarisimavai, Tusass paragraf 37 atorlugu Attaveqaasersuutinut Naalakkersuisup Hans Peter Poulsenip Inatsisartunut ilaasortamut Mariane Paviasenimut akissuteqaataani ilisimatitsivoq.
Illersuutaasussaq akisummat atorneqanngitsoq
Ilisimatitsissutigineqarpoq Tusassip Nuummi qaammataasaqarfiit illersuuserlugit poornissaat isumaliutersuutigisimagaa, aningaasartuutilli qaavatigut tamanna 4 milliuunit koruuninik aningaasartuuteqassammat atorneqarsimanngilaq.
- Maannakkorpiaq suliniutissat arlallit, aalajaatsuunermik
pitsanngorsaasussat, sulissutigineqarput. Taamaalilluni savaatilinnut
pitsaanngitsumik aalajaassuseqartitsinerup ajornartorsiutaanera ukkatarineqarpoq aammalu aallaqqaammut suliniutit
pitsanngorsaataasussat pisariitsut aningaasaqarnikkullu unamminartut
Tusass-ip sulissutigimmagit, kisiannili savaatilinnut pilersuinerup
pitsanngorsarnissaa tamakkiisumik ukkataralugu, paasineqarnissaa
qinnutigineqarpoq, attaveqaasersuinermik ingertsivik namminersorlutik oqartussanit pigineqartoq ilisimatitsivoq.
Akissummi Tusassip nassuerutigaa savaateqarfinni attaveqaatit ajornartorsiutaasimasut aammalu "qamittoortarneq akulikippallaartoq
isumaqatigalugu, aammalu aalajaatsuunerata pitsaanerulernissaa
siunertaralugu aaqqiissutissat ukkataralugit sulissutigineqartoq."
