Siunissaq peqqinnartoq pillugu titartaanermik unammisitsinermi ajugaasut pingasut toqqarneqarput
Meeqqat 250-it nuna tamakkerlugu atuarfimmeersut titartaanermi unammisitsinermi "Siunissaq, arlaannaalluunniit imigassamit aalakoornartortalimmit ajoquserneqanngitsoq“ qulequtaralugu peqataapput. Ajugaasut pingasut titartagaat uani takusinnaavasi.
Titartakkat toqqakkat, tassunga ilanngullugit ajugaassutigineqartut pingasut saqqummiussamut uunga ilanngunneqarput: Imigassaq aalakoornartortalik pillugu ukiunut arlalinnut politikkissamut, ilisimatusarnermit tunngavilimmut, inassuteqaatit.
Assiliartat: Meeqqat eqqumiitsuliortut Peqqissutsimut Naalakkersuisoqarfimmit
"Siunissaq, arlaannaalluunniit imigassamit aalakoornartortalimmit ajoquserneqanngitsoq" qulequtaralu nuna tamakkerlugu titartaanermik unammisitsinermut 1.-9. klassini atuartut 250-it sinneqartut peqataapput.
Atuarfik ukioqatigiiaanut pingasunut agguataarneqarsimavoq, maannalu ajugaasut toqqarneqartut peqqissutsimut naalakkersuisoqarfik nalunaarpoq.
• Nukarliit: 1. klassi, Kangersuatsiami Juaap Atuarfia:
• Akulliit: 6.x, Tasiilami Alivarpi, Tasiilaq:
• Angajulliit: 8.a, Tasersuup Atuarfia, Qaqortoq:
Innuttaasut Peqqissusiannik Ilisimatusarfiup, Paarisap, MIO-p, UNICEF Kalaallit Nunaata aamma WHO/Europep ajugaasunik toqqaanissamik naalakkersuisoqarfik ikiorpaat.
WHO/Europe-p naliliisuuni sinniisua, Aleksandra Olsen, ima oqaaseqarpoq:
– Nassiunneqartut taama amerlatigisut pinngorartitsisinnaanermik takutitsisut takullugit nuannerluinnarpoq. Titartakkat angisuumik takorluuinermik taamaallaat takutitsinngillat, aammali meeqqat peqqinnartumik, toqqissisimasumik aamma pitsaasumik inuuneqarnissap qanoq pilersinneqarnissaanik paasinninnerannik takutitsisuullutik.
