KL

DK

Socialdemokraatit Trumpip ernerata Kalaallit Nunaannut soqutiginninnera nuannaarutigaat

USA-p Kalaallit Nunaannut Issittumullu soqutiginninnerulernera isumalluarnarpoq, Socialdemokraterne isumaqarput.

Christian Rabjerg Madsen, S-imi politikkikkut oqaaseqartartoq, namminersorlutik oqartussat politikkiannik aalajangiusimannippoq. (Assi toqqorsivimmit).
Ritzaus Bureau
Saqqummersinneqarpoq

Amerikamiut Kalaallit Nunaannik soqutiginninneruleriartuinnarnerat isumalluarnarpoq.

Præsidentinngortussap Trumpip ernera marlunngornermi Nuummut ingerlaanerani Socialdemokratit isummerput.

Tikeraarneq takornariarluni tikeraarnerusoq politikkikkut oqaaseqartartup Christian Rabjerg Madsenip partiip marlunngornermi ullaap tungaani ataatsimiinnissaannukaartilluni erseqqissarpaa.

- Oqartoqarsinnaavorli Amerikamiut Issittumi soqutiginninnerannik ersersitsinerusoq. Amerikap Issittumi qanimut suleqatigigatsigu tamanna pitsaasuuvoq.

Amerikap Kalaallit Nunaat pigilerusukkaa Donald Trumpip qanittukkut oqaatigaa.

Ernerata Donald Trump Jr.-ip Kalaallit Nunaannut nammineerluni marlunngornermi angalaniarluni nalunaarnerata kingorna soqutiginninnerup pimoorunneqarneranik takussutissiivoq.

Angalaneq tamanut saqqummiunneqareermat præsidentinngortussaq inuit attaveqaqatigiittarfianni Truth Socialimi oqariartuutigisartakkani "Amerika ingerlallualeqqilli“ atorlugit Kalaallit Nunaat ingerlallualeqqillimik allappoq - Amerika pillugu qineqqusaarnermini oqaatigisartakkani.

Ministeriuneq nunanullu allanut ministeri pisoq pillugu suli oqaaseqanngillat, Socialdemokratilli oqaaseqartartuata oqaaseqaatigineqareersut aalajangiusimavai.

- Namminersorlutik Oqartussat oqariartuutaannut ilassutissaqarnangalu oqaasissaqanngilanga, Christian Rabjerg Madsen oqarpoq.

- Naalakkersuisut siulittaasuat Muté B. Egede Kalaallit Nunaata siunissaa Kalaallit Nunaannit kalaallinillu aalajangerneqassasoq oqarnikuuvoq, aamma Kalaallit Nunaat tuniniagaanngitsoq.

Tusagassiortut apeqquteqaataqattaaraluartut Christian Rabjerg Madsenip Kalaallit Nunaata pigilerneqarnissaanik soqutiginninneq aarlerinartoqarnersoq itinerusumik oqaaseqarfigerusunngilaa.

Illersornissamut ministerip Troels Lund Poulsenip (V) marlunngornermi Venstrep ataatsimiinneranut isilernermini Muté B. Egedep siusinnerusukkut oqaaserisimasai innersuussutigaa, oqaaserisaalu “isumaqatigilluinnarlugit”.

Danmarkilli Kalaallit Nunaatalu Issittoq pillugu USA-mik “suliseqateqarnerulernissaq” ukiuni aggersuni anguniangaraat, oqarpoq.

- USA-mik qanimut suleqateqarnerput aamma qanimut suleqateqaannarnissarput erseqqissaatigissallugu uannut pingaaruteqarpoq.

- Amerikamiut ikinngutivut suli qaninnerusumik suleqatigilissagivut aamma siunertaraara, minnerunngitsumik Issittumut tunngatillugu, Troels Lund Poulsen oqarpoq.

Pisoq partiini pissaaneqartuni tupaallaataasimassasoq Liberal Alliancemi issittoq pillugu oqaaseqartartoq Carsten Bach isumaqarpoq.

- Trumpip ministeriuneq nunanullu allanut ministeri erloqinartumik inissisimalersippai, danskit naalakkersuisui tikeraarnissaq pillugu soriarsinnaajunnaarsillugit, TV 2 Newsimut oqarpoq.

- Isumaqarpunga tamanna maluginiarneqartariaqartoq.

/ritzau/

donald trump jr. christian rabjerg madsen inuiaqatigiit trump-besøg socialdemokraterne samfund

ATORFIIT Se alle jobs

Powered by Labrador CMS