Sondre Slettemark sukkaniunnermi siuttuusoq

Sondre Slettemark sisoraaserluni ooqattaasartartutut siullersaalluni International Biathlon Union (IBU)-p juniorcupimi ataatsikkut aallarluni sukkaniunnermi siuttuuvoq.

Sondre Slettemark 165 pointinnalluni ataatsikkut aallarnermi siuttuulluni apuuppoq. Polenimiu 149 pointinnalluni tulliuvoq. Kalaallit Nunaanni Biathlonertartut Kattuffiat allappoq.

Biathlonimi juniorcupertoqarnerani angusat allanngorsinnaapput, ataatsikkulli aallarluni unamminermi siuaqqaneq nammineq angusarissaarneruvoq:

- Ukioq manna Junior Cupimi ataasiakkaarluni arpannerni siuttuunissara anguniarsimavara, tassami ukioq manna juniorit akornanni unamminera kingulliuvoq. Kisianni naatsorsuutigisimanngikkaluarpara ataatsikkut aallarluni arpannermi siuttuunissara, arpannerni pingasuni marluinnarnik peqataanikuugama. Nuanneqaaq, Sondre Slettemark oqarpoq.

Unamminerni ataatsimut isigalugu angusaqarluarnissani neriuutigigaa

Sondre Slettemark Italiami Schweizimilu juulli sioqqullugu arpannermut peqataasinnaasimanngilaq, Polenimili januaarip 18-ianni ataatsikkut aallarluni arpannermi ajugaavoq Europamilu januaarip 26-ianni pissartanngorniunnermi normu 2-nngorluni.

Junior Cupimi unamminerit ataatsimut isigalugit unamminerit aqanillit ingerlanneqarput. Sondre Slettemark taakkunani arfinileriarluni unammeqataavoq. Unamminerit ataatsimut isigalugi Sondre Slettermark normu 7-iuvoq.

- Juniorit VM-erneranni arpannerit pingasunik ilaneqarnerannit arpannerni 14-ini arfineq-pingasut peqataaffigaakka. Ingerlalluassaguma immaqa angusarissaarsinnaavunga. 337-nik pointinnappunga, normu 6-inngornissannut pointi ataaseq amigaatigaara, normu 5-imut 6 pointit, ujaminnannissamullu pointit 24-t amigaatigalugit. VM-imi ingerlalluassaguma periarfissaqarpunga, oqarpoq.